Barb Jungr

Barb Jungr (fødd 9. mai 1954 som Barbara Jungr)^[1] er ein britisk songar og låtskrivar og forfattar. Ho har spelt inn versjonar av songar av Bob Dylan, Sting, Elvis Presley, Bruce Springsteen og Leonard Cohen. Songane hennar har ofte innslag av jazz og blues.

Barb Jungr
Fødd	9. mai 1954 (71 år)
Fødestad	Rochdale
Opphav	Storbritannia
Sjanger	blues, jazz
Instrument	vokal
Plateselskap	Linn Records
Verka som	songar, låtskrivar, jazzmusikar

Liv og virke

Jungr blei fødd i Rochdale i Lancashire i England med tsjekkisk far og ei tysk mor. Ho voks opp i Stockport i Cheshire.

Jungr drog til London på midten av 1970-talet, og byrja eit samarbeid med dramatikaren Pam Gems og komponisten Paul Sand. Ho var songaren i Edinburgh Festival-oppføringa av Gem sitt skodespel Dead Fish, som blei til Dusa Fish Stas and Vi.^[2] Den fyrste singelen til Jungr var «He's Gone», som the Stroke.^[3] Songen var skriven og spelt inn i lag med ektemannen Dan Bowling og gjeven ut av CBS. Han var vekas singel i New Musical Express.

Ho skipa gruppa Three Courgettes i lag med Michael Parker og Jerry Kreeger, og framførte new wave-versjonar av gospelsongar ved Kings Road og Portobello Market seint på 1970-talet. Gruppa blei oppdage av Island Records, og turnerte med Kid Creole and the Coconuts, Sade, Mari Wilson og The Jets.^[4] The Three Courgettes spelte inn ein julelåt til Michael Zilkha sitt A Christmas Record.

Med Michael Parker som bluesgitarist skipa ho duoen Jungr and Parker. Denne opptredde i tretten år, både internasjonalt og jamleg på britisk tv og radio. Dei leia BBC Radio 2-serien We Stayed in with...Jungr and Parker^[5] med spesialepisodar spelte inn ved Edinburgh Festival og produserte av Sonia Beldom.^[6] Jungr and Parker turnerte med komikarane Alexei Sayle og Arnold Brown, som dei vann ein Perrier-pris med i Edinburgh i 1987 ved Gilded Balloon Theatre.^[7]

I 1991 spelte Jungr and Parker ved ein Festival of European music i Sudan sponsa av British Council. Dei hadde suksess, og heldt fram med konsertar og kurs i Kamerun, Tanzania, Malawi og Burma. Jungr skreiv om desse opplevingane for Guardian Diary, Folk Roots og The Singer, og i 1994 byrja ho masterstudiar ved Goldsmiths College i etnomusikologi, og tok graden med distinksjon. Ho spesialiserte seg i røyst og song.^[8][9][10] På denne tida byrja Jungr å halda soloshow, akkompagnert av Russell Churney. Ho starta ein solokarriere med albumet Bare, som blei spelt inn på ein dag, live i Conway Hall med støtte frå Overtones Studios.^[11]

Tidleg på 1990-talet utvikla Jungr temashow, som blei ein spesialitet for henne. Hell Bent Heaven Bound (med Ian Shaw, Christine Collister og Michael Parker) vann Perrier Pick of the Fringe, og Money the Final Frontier (med Helen Watson, Christine Collister og Michael Parker) blei invitert til Canadian Music Festivals.^[12] I 1998 turnerte ho med showet Sex, Religion and Politics regissert av Julia Pascal, og synte det fram ved Edinburgh Festival.

I 1999 blei Jungr invitert til å spela inn musikk for Linn Records i Glasgow. I 2000 gav Linn ut Chanson: The Space in Between, eit album med engelske omsetjingar av klassisk fransk chanson. I 2002 gav ho ut Every Grain of Sand, eit album med arrangement av songane til Bob Dylan, følgd av Waterloo Sunset i 2003.^[13]

I 2007 samarbeidde Jungr med den britiske komponisten Mark Anthony Turnage, og opptredde med London Sinfonietta i bestillingsverket About Water i Queen Elizabeth Hall for å feira gjenopninga av Royal Festival Hall.^[14]

I 2008 gav ho ut Just Like a Woman – Hymn to Nina med songar frå repertoaret til Nina Simone. Ho blei gjeven ein Nightlife Award i New York i 2008 for «Outstanding Cabaret Vocalist».^[15] In mars 2010 gav ho ut The Men I Love – The New American Songbook, og seinare same året gav ho ut Man in the Long Black Coat: Barb Jungr Sings Bob Dylan.^[13] I 2012 gav ho ut Stockport to Memphis.^[16] I mars 2014 gav Jungr ut Hard Rain: the songs of Bob Dylan and Leonard Cohen, og turnerte i Storbritannia og hadde ein sesong på 59E59 Theater i New York. Albumet vann Best Cabaret CD frå BroadwayWorld.com.^[17]

Diskografi

Soloalbum

• Bouquet of Barbs (1985)
• Bare (1999) Irregular Records
• Bare Again (2007). Gjenlansering på Premiere Jazz
• The Space In Between (2000) Linn Records
• Every Grain of Sand: Barb Jungr Sings Bob Dylan (2002), Linn Records
• Waterloo Sunset (2003) Linn Records
• Love Me Tender (2005) Linn Records
• Walking In The Sun (2006) Linn Records
• No Regrets: the remarkable Barb Jungr (2007) Australia compilation ABC Jazz
• Just Like a Woman (2008) Linn Records
• The Men I Love - The New American Songbook 8 March (2010) Naimlabel
• Man in the Long Black Coat: Barb Jungr Sings Bob Dylan (2011) Linn Records
• Stockport to Memphis (2012) Naim Jazz
• Hard Rain - the songs of Bob Dylan and Leonard Cohen (2014) Kristalyn Records
• Bare Again (2014) Kristalyn Records
• Shelter from the Storm: Songs of Hope for Troubled Times (2016) Linn Records
• Come Together: Barb Jungr and John McDaniel Perform The Beatles (2016) Kristalyn Records
• Every Grain of Sand: Barb Jungr Sings Bob Dylan (Fifteenth Anniversary Edition) (2017) Linn Records
• Float Like A Butterfly - Barb Jungr and John McDaniel Perform The Songs of Sting (2018) Kristalyn Records
• Bob, Brel and Me (2019) Kristalyn Records
• Dancing In The Dark - Single with Simon Wallace (Kristalyn, 2020)
• Barb Jungr sings Leonard Cohen - Live at The Crazy Coqs (Kristalyn, 2022)
• My Marquee (Marquee Records, 2023)
• Hallelujah on Desolation Row (Kristalyn, 2025)

Album med Michael Parker

• Wicked (1986)
• Blue Devils (1987)
• Night and Day (1988)
• Off the Peg (1988)
• Canada (1992)