Bennie and the Jets

«Bennie and the Jets» er ein song av Elton John med tekst av Bernie Taupin.^[1] Songen vart først gjeven ut på Goodbye Yellow Brick Road i 1973 og vart året etter gjeven ut som singel.

Bennie and the Jets Singel av Elton John frå albumet Goodbye Yellow Brick Road
B-side	«Harmony»
Språk	engelsk
Utgjeve	4. februar 1974
Sjanger	Glamrock
Lengd	5:23
Selskap	MCA (US/Canada) DJM Records
Komponist	Elton John
Tekstforfattar	Bernie Taupin
Låtskrivar(ar)	Elton John, Bernie Taupin
Elton John-kronologi
«Candle in the Wind» (1974)	Bennie and the Jets	«Don't Let the Sun Go Down on Me» (1974)

Songen fortel om «Bennie and the Jets», eit fiktivt band som Elton John visstnok var tilhengjar av. I intervju har Taupin fortalt at teksten er eit satirisk syn på musikkindustrien i 1970-åra.

Elton John var imot at songen skulle ut på singel, sidan han trudde han ville gjere det dårleg, men han vart mykje spelt på radio i USA og gjekk til slutt heilt til topps der i 1974. Singelen selde til gullplate same året og til platina i 1995. Songen gjekk òg til topps i Canada.

Axl Rose, frå Guns N' Roses, har sagt at det var «Bennie and the Jets» som inspirerte han til å verte songar. Han song sidan songen i lag med Elton John på the Freddie Mercury Tribute Concert i 1992.

Medverkande

• Elton John – piano, Farfisa-orgel, vokal
• Davey Johnstone – akustisk og elektrisk gitar
• Dee Murray – bass
• Nigel Olsson – trommer

Salslister

Vekeslister Liste (1974) Plassering Australia 5 Canada 1 Frankrike (SNEP)[2] 175 Irland (IRMA)[3] 18 New Zealand[4] 13 US Billboard Hot 100[5] 1 US Hot R&B/Hip-Hop Songs (Billboard)[6] 15 US Cash Box Top 100 1 Liste (1976) Plassering UK Singles Chart 37

Årslister Liste (1974) Plassering Australia 34 Canada[7] 6 U.S. Billboard Hot 100[8] 9 U.S. Cash Box[9] 12

Andre versjonar

Andre artistar som har spelt songen er Beastie Boys, Katherine Heigl og James Marsden i filmen 27 Dresses, Mary J. Blige sampla melodien i «Deep Inside», Ashanti og Cher.