Blondes Have More Fun

Blondes Have More Fun er det niande albumet til Rod Stewart, gjeve ut i november 1978. Dette var Stewart sitt første steg inn i disco, som var den populære musikkstilen på denne tida. Sjølv om albumet selde godt, fekk det heller lunken kritikk. Den første singelen, «Da Ya Think I'm Sexy», vart ein av dei største hittane til Stewart og gjekk til topps i både Storbritannia og USA. Albumet har selt meir enn 14 millionar eksemplar verda over.

Blondes Have More Fun Studioalbum av Rod Stewart
Språk	engelsk
Utgjeve	17. november 1978
Innspelt	1978
Sjanger	Rock, disco
Lengd	43:09
Selskap	Riva, Warner Bros.
Produsent	Tom Dowd
Rod Stewart-kronologi
Foot Loose & Fancy Free (1977)	Blondes Have More Fun	Greatest Hits, Vol. 1 (1979)

Meldingar
Karakter
Kjelde	Karakter
AllMusic	[1]
Robert Christgau	B[2]
Rolling Stone	(negativ)[3]
The Rolling Stone Album Guide	[4]

Oversyn

Etter å ha skapt ein suksessrik karriere gjennom 1970-åra som rockesongar, følgde Stewart her discotrenden, som var på sitt mest populære i 1978, på somme av songane på albumet. Den første singelen var «Da Ya Think I'm Sexy», som gjekk til topps i Storbritannia, USA, Australia og fleire andre land.^[5][6][7] Mange kritikarar slakta discosongane på albumet, men dei vart likevel ein av dei største hittane hans. Stewart har sidan forsvart songen og sagt at både Paul McCartney og The Rolling Stones òg dreiv med disco på denne tida.^[8] Den andre singelen frå albumet var «Ain't Love a Bitch», som nådde 11. plassen i Storbritannia og 22. plassen i USA.^[9][7] Den tredje og siste singelen, «Blondes (Have More Fun)», nådde 63. plassen i Storbritannia, den lågaste plasseringa hans der på denne tida, men nådde 23. plassen i Irland.^[9][10]

Sjølve albumet nådde tredjeplassen i Storbritannia og hadde selt til platina innan jul. I USA gjekk det heilt til topps og selde til dobbelt platina.^[11] Det gjekk òg inn på topp 10-listene i mange andre land.

Innhald

Side ein

Nr.	Tittel	Låtskrivar(ar)	Lengd
1.	«Da Ya Think I'm Sexy?»	Jorge Ben Jor[12][13][14][15], Rod Stewart, Carmine Appice, Duane Hitchings	5:31
2.	«Dirty Weekend»	Stewart, Gary Grainger	2:36
3.	«Ain't Love a Bitch»	Stewart, Grainger	4:39
4.	«The Best Days of My Life»	Stewart, Jim Cregan	4:21
5.	«Is That the Thanks I Get?»	Stewart, Cregan	4:32

Side to

Nr.	Tittel	Låtskrivar(ar)	Lengd
6.	«Attractive Female Wanted»	Stewart, Grainger	4:17
7.	«Blondes (Have More Fun)»	Stewart, Cregan	3:46
8.	«Last Summer»	Stewart, Philip Chen	4:05
9.	«Standin' in the Shadows of Love»	Lamont Dozier, Eddie Holland, Brian Holland	4:28
10.	«Scarred and Scared»	Stewart, Grainger	4:54

Medverkande

• Rod Stewart – solovokal

Rod Stewart Band

• Gary Grainger – gitar
• Billy Peek – gitar
• Jim Cregan – gitar, korvokal
• Philip Chen – bass, korvokal
• Carmine Appice – trommer, korvokal

Gjestemusikarar

• Duane Hitchings – klaverinstrument, synthesizer
• Roger Bethelmy – trommer
• Paulinho Da Costa – perkusjon
• Nicky Hopkins – piano
• Gary Herbig – fløyte
• Phil Kenzie – horn
• Steve Madaio – trompet
• Tom Scott – tenorsaksofon
• Fred Tackett – gitar
• Tommy Vig – perkusjon
• Mike Finnigan – korvokal
• Max Gronenthal – korvokal
• Linda Lewis – vokal
• Catherine Allison – piano, korvokal
• Del Newman – strykearrangement

Produksjon

• Tom Dowd – produsent, miksing
• Andy Johns – lydteknikar, miksing
• George Tutko – assisterande lydteknikar

Salslister

Liste (1978/9)	Plassering
Austria[16]	10
Australia[17]	1
Tyskland[18]	3
Nederland[16]	3
New Zealand[16]	1
Noreg[16]	2
Sverige[16]	1
UK[9]	3
US	1

Salstrofé

Region	Salstrofé	Salstal
Frankrike (SNEP)[19]	ingen	441,800 [20]*
^salstala er basert på sertifiseringa aleine