Break Away

«Break Away» (stundom skrive som «Breakaway») er ein song skriven av Brian Wilson (Murry Wilson, far hans, er tilskriven som tekstforfattar under psevdonymet Reggie Dunbar) for The Beach Boys i 1969. Songen vert rekna som ein av dei sterkare songane deira, men singelen gjorde det heller dårleg og nådde berre 63. plass i heimlandet, USA. I utlandet gjorde han det noko betre.

«Break Away» Singel av The Beach Boys
Utgjeve	23. juni 1969
Innspelt	31. mars 1969 og 23. april 1969
Sjanger	Pop og rock
Lengd	2:56
Selskap	Capitol Records
Produsent	Brian Wilson
The Beach Boys-kronologi
«I Can Hear Music» (1969)	«Break Away»	«Add Some Music to Your Day» (1970)

Etter innspelingane av Smiley Smile vart rolla til Brian Wilson som bandleiar og sjef i studio mindre viktig. Mellom Surfer Girl og singelen «Heroes and Villains» var berre Brian Wilson tilskriven som produsent, men framover var heile bandet tilskriven denne rolla. «Break Away» var den siste utgjevinga der Brian Wilson står som produsent før «Child of Winter» i 1974.

Carl Wilson syng versa på «Break Away» (med Mike Love) og Al Jardine syng refrenget. I starten var det meininga at Brian Wilson skulle synge første verset. Tidlege studiomiksar gjevne ut på samleplater i seinare tid stadfester dette.

Brian Wilson har fortalt at the Monkees inspirerte han til å skrive denne songen.

Singelen vart gjeven ut med «Celebrate The News» som B-side i juni 1969. Det var den siste singelen til bandet i 60-åra og den nest siste dei gav ut på Capitol Records før dei gjekk til Warner Brothers. Singelen nådde 63. plass i USA, men gjekk heilt til sjetteplass i Storbritannia. I Tyskland nådde songen 29. plass, og var den siste singelen deira som gjekk inn på listene i Tyskland før 1987. I Nederland nådde songen 17. plass og i New Zealand 20. plass.

«Break Away» kom ikkje ut på noko studioalbum, men har kome med på fleire samleplater i åra etter.

Kjelder

• Denne artikkelen bygger på «Break Away» frå Wikipedia på engelsk, den 11. september 2009.