Brig-Glis

Brig, offisielt Brig-Glis (fransk Brigue-Glis, italiensk Briga-Glis) er ein kommune i distriktet Brig i kantonen Valais i Sveits. Kommunen har 12 467 innbyggjarar (2010) og eit areal på 38 km². Kommunesenteret ligg 691 meter over havet.

Brig-Glis
Horisonten til Brig-Glis
Kommunevåpenet til Brig-Glis
Plassering
Styresmakter
Land	Sveits
Kanton	Valais
Distrikt	Brig
Språk	tysk
Borgarmeister	Viola Amherd
Geografi
Flatevidd  - kommune	38,0 km²
Innbyggjarar  - kommune (desember 2010)    - folketettleik	12 467   328,1 /km²
Koordinatar	46°19′0″N 7°58′0″E
Høgd over havet	691 moh.
Diverse annan informasjon
Postnummer	3900
Nettstad: www.brig-glis.ch

Den noverande kommunen vart skipa i 1972 då byen Brig, Brigerbad og Glis vart slått saman.^[1]

Han er ein pittoresk liten by i Øvre Valais, ved foten av nordsida av vegen opp mot Simplonpasset, ved høgrebreidda av elva Saltina, og like ovanom samløpet til denne elva med Rhône. Brig ligg nær grensa til Italia.

Historie

Byen vart truleg grunnlagd av biskopen av Sion. På 1300-talet vart Brig første gong nemnd som ein by. Han vart gradvis viktigare og i 1518 vart han hovudstad i Zenden (eit distrikt i Valais) Brig. Rådhuset i byen vart først nemnd i 1618. Bymuren tente som flaumvern frå elva Saltina, som ofte flauma over, i nyare tid i 1920 og 1993. Elva Rhône skapte flaum i 1469, 1506, 1640, 1752, 1775, 1868 og 1920. I 1755 og igjen i 1855 vart byen øydelagd av jordskjelv. Pest råka byen i 1465, 1475, 1485 og 1575. I 1799 plyndra franske soldatar byen, brende arkiva og påførte byen store skadar.

Elva Saltina i Brig