Crises av Mike Oldfield

Crises er det åttande studioalbumet til den engelske musikaren Mike Oldfield, gjeve ut 27. mai 1983 på Virgin Records. Det heldt fram den musikalske retninga Oldfield hadde starta på det førre albumet, Five Miles Out (1982), med meir radiovenlege rock- og popsongar. Albumet inneheld hitsinglane «Moonlight Shadow» med Maggie Reilly på solovokal og «Shadow on the Wall», sungen av Roger Chapman. Oldfield marknadsførte albumet med ein turné i Europa i 1983, med dei fleste musikarane frå albumet.

Crises Studioalbum av Mike Oldfield
Språk	engelsk
Utgjeve	27. mai 1983
Innspelt	November 1982 til april 1983
Studio	Tilehouse Studios i Denham i Buckinghamshire
Sjanger	Progressiv rock, poprock
Lengd	37:41
Selskap	Virgin
Produsent	Mike Oldfield Simon Phillips
Mike Oldfield-kronologi
Five Miles Out (1982)	Crises	Discovery (1984)
Singlar frå Crises
«Mistake» Utgjeve: 20. august 1982 «Moonlight Shadow» Utgjeve: 6. mai 1983 «Shadow on the Wall» Utgjeve: September 1983 «In High Places» Utgjeve: 7. september 1987

Meldingar
Karakter
Kjelde	Karakter
Allmusic	[1]

Bakgrunn og innspeling

I 1980-åra skifta Oldfield musikalsk retning frå dei lange komposisjonane han var blitt kjend for i 1970-åra, mot kortare og meir radiovenlege rock- og popsongar. Då han var ferdig med verdsturneen sin i desember 1982, hadde Oldfield alt byrja på ein oppfølgjar til Five Miles Out.^[2] På Crises utforskar Oldfield heavy metal-element, som han var blitt fan av på den tida og likte og spele. Oldfield skildra side ein som materiale han hadde ønskt å skrive og framføre «fordi han hadde lyst», medan side to er «særs kommersiell, full av singlar». Han la til: «Då vert alle nøgde.»^[2]

Albumet vart spelt inn frå november 1982 til april 1983 i Tilehouse Studios i Denham i Buckinghamshire. Oldfield vart spurt i eit intervju om korleis han fekk Chapman og Jon Anderson med på plata, og han sa «me berre hang i same baren». Singelen «Moonlight Shadow» frå dette albumet inkluderer det sjeldne sporet «Rite of Man». Den nordamerikanske utgåva av albumet har ei anna rekkjefølgje på songane og inkluderer singelen «Mistake».

Songar

Side ein

Tittelsporet på albumet er eit tjue minuttar langt stykke, med noko vokal sungen av Oldfield. Byrjinga og slutten av sporet er driven av ein synthesizer solo, stilmessig liknande opningstemaet på Tubular Bells.^[2]

Side to

Den massive hitten «Moonlight Shadow» er sungen av Maggie Reilly, som òg song og var medlåtskrivar på «Foreign Affair». «In High Places» har tekst av Mike Oldfield og Jon Anderson. «Shadow on the Wall» vart sungen av Roger Chapman. Albumet inneheld «Taurus 3», eit kort, kjapt gitarstykke som ikkje liknar på dei to lange «Taurus»-spora på QE2 og Five Miles Out.

Innhald

Side ein

Nr.	Tittel	Lengd
1.	«Crises»	20:40

Alle spor skrivne av Mike Oldfield, utanom der andre er nemnde.

Side to

Nr.	Tittel	Låtskrivar(ar)	Lengd
2.	«Moonlight Shadow» (vokal av Maggie Reilly)		3:34
3.	«In High Places» (vokal av Jon Anderson)		3:33
4.	«Foreign Affair» (vokal av Maggie Reilly)	Oldfield, Maggie Reilly	3:53
5.	«Taurus 3»		2:25
6.	«Shadow on the Wall» (vokal av Roger Chapman)		3:09

Mercury Records-utgåva

Crises kom ut på Mercury Records den 2. september 2013. Plata kom i fleire variantar som ein enkel CD og ein dobbel luksusutgåve med konsertopptak på plate to, ei vinylplate og ein boks på fem plater med tre CD-plater og to DVD-ar. Boksen kom òg med ei 32 sider lang bok. Denne utgåva nådde 30. plassen i Tyskland i september 2013.

Innhald

2013-utgåva - Plate 1

Nr.	Tittel	Lengd
1.	«Crises»	20:57
2.	«Moonlight Shadow»	3:38
3.	«In High Places»	3:33
4.	«Foreign Affair»	3:53
5.	«Taurus 3»	2:25
6.	«Shadow on the Wall»	3:10
7.	«Moonlight Shadow» (Unplugged miks)	3:35
8.	«Shadow on the Wall» (Unplugged miks)	3:21
9.	«Mistake»	2:56
10.	«Crime of Passion» (forlenga versjon)	4:10
11.	«Jungle Gardenia»	2:46
12.	«Moonlight Shadow» (12"-versjon)	5:15
13.	«Shadow on the Wall» (12"-versjon)	5:09

2013-utgåva - Plate 2 - Høgdepunkt frå Wembley Arena 22. juli 1983

Nr.	Tittel	Lengd
1.	«Taurus I»	9:14
2.	«Taurus II»	23:08
3.	«Crises»	23:15
4.	«Moonlight Shadow»	5:28
5.	«Shadow on the Wall»	6:26
6.	«Family Man»	4:14

30-årsjubileumsutgåva - Plate 2 - Wembley Arena 22. juli 1983

Nr.	Tittel	Lengd
1.	«Woodhenge / Incantations Part Three»	8:09
2.	«Sheba»	3:23
3.	«Ommadawn Part One»	8:52
4.	«Mount Teidi»	4:10
5.	«Five Miles Out»	5:03
6.	«Tubular Bells Part One»	18:44

Plate tre av 30-årsjubileumsutgåva er same som plate 2 av luksusutgåva.

30-årsjubileumsutgåva - Plate 4 - DVD

Nr.	Tittel	Lengd
1.	«Crises» (Live at Wembley Arena)	22:35
2.	«Tubular Bells Part One» (Live at Wembley Arena)	19:10
3.	«Moonlight Shadow»	3:42
4.	«Shadow on the Wall»	3:08
5.	«Moonlight Shadow» (BBC Top of the Pops 23. juni 1983)	3:15
6.	«Crime of Passion»	3:42

30-årsjubileumsutgåva - DVD - 5.1-kringlydmiks

Nr.	Tittel	Lengd
1.	«Crises»	20:38
2.	«Moonlight Shadow»	4:00
3.	«In High Places»	3:53
4.	«Foreign Affair»	4:13
5.	«Taurus 3»	2:50
6.	«Shadow on the Wall»	5:13

Medverkande

• Mike Oldfield – gitar på alle spor utanom «Foreign Affair»; Fairlight CMI på alle spor utanom «Taurus 3»; Roland string synthesizer på «Crises», «In High Places», «Foreign Affair» & «Shadow on the Wall», Oberheim OB-Xa synthesizer på «Crises» & «In High Places»; Farfisa orgel & piano & Prophet 5 synthesizer på «Crises»; bassgitar på «Crises» & «Shadow on the Wall»; akustisk bassgitar på «Taurus 3»; harp på «Crises»; mandolin på «Crises» & «Taurus 3»; banjo på «Taurus 3» & «Shadow on the Wall»; Simmons elektroniske trommer på «Crises»; bjøller & tamburin & shaker på «Taurus 3»; Oberheim DMX trommemaskin og Oberheim DSX digital polyphonic sequencer & Quantec Room Simulator klangeining på «Crises»; vokal på «Crises».

Andre medverkande

• Maggie Reilly – vokal på «Moonlight Shadow», «Foreign Affair» og «Mistake»
• Jon Anderson – vokal på «In High Places»
• Roger Chapman – vokal på «Shadow on the Wall»
• Simon Phillips – trommer, medproduksjon, spesialeffektar; shaker på «Foreign Affair» og «Taurus 3»; knipsing, bjøller, tamburin og støvlar på «Taurus 3»
• Ant (Ant Glynne) – gitar på «Crises» og «Shadow on the Wall»
• Rick Fenn – gitar på «Crises»
• Phil Spalding – bassgitar på «Crises» og «Moonlight Shadow»
• Pierre Moerlen – vibrafon på «In High Places»
• Ginny Clee - synthesizer på «Mistake»
• Tim Renwick - gitar på «Mistake»
• Morris Pert - trommer på «Mistake»

Salslister

Albumet låg 19 veker på den norske VG-lista, og to av dei på toppen av lista. Det vart det bestseljande albumet til Oldfield der. Albumet toppa òg listene i Tyskland og Sverige.

Liste (1983)	Plassering
Australia (Kent Music Report)[3]	17
Austerrikske album (Ö3 Austria)[4]	2
Nederlandske album (MegaCharts)[5]	2
Tyske album (Media Control)[6]	1
Newzealandske album (Recorded Music NZ)[7]	6
Norske album (VG-lista)[8]	1
Spanske album (PROMUSICAE)[9]	39
Svenske album (Sverigetopplistan)[10]	1
Sveitsiske album (Schweizer Hitparade)[11]	5
Britiske album (OCC)[12]	6

Salslister 2013-utgåva

Liste (2013)	Plassering
Austerrikske album (Ö3 Austria)[4]	73
Franske album (SNEP)[13]	144
Tyske album (Media Control)[6]	20
Spanske album (PROMUSICAE)[9]	39
Sveitsiske album (Schweizer Hitparade)[11]	87
Britiske album (OCC)[14]	71

Salstrofé

Region	Salstrofé	Salstal
Frankrike (SNEP)[15]	Gull	100 000*
Nederland (NVPI)[16]	Gull	50 000^
Tyskland (BVMI)[17]	Platina	500 000^
Spania(PROMUSICAE)[18]	Platina	100 000^
Storbritannia (BPI)[19]	Gull	100 000^
*salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine

Andre versjonar

Fleire av songane på Crises er blitt spelt mange gonger, med «Moonlight Shadow» som den mest populære. Dance-gruppa Groove Coverage spelte ein versjon av «Moonlight Shadow» som nådde tredjeplassen på den tyske singellista. Ein versjon av «Foreign Affair» frå 2009 av det belgiske dance-bandet Sylver låg åtte veker på topp 10 på den belgiske singellista og nådde tredjeplassen.^[20]

Den amerikanske rapperen Kanye West sampla Oldfield-songen «In High Places». West brukte refrenget av songen på songen sin «Dark Fantasy» i 2010 på albumet My Beautiful Dark Twisted Fantasy.