Det indiske forsvaret
From Wikipedia, the free encyclopedia
Remove ads
Det indiske forsvaret er dei militære styrkane til republikken India. Forsvaret består av hæren, marinen, luftforsvaret, kystvakta og diverse andre einingar. Presidenten i India er øvstkommanderende for forsvaret, medan det blir forvalta av forsvarsministeren.
Det indiske forsvaret er blant dei største militære styrkane i verden, med ein ståande hær på om lag 1,32 millioner aktive soldatar og ein reservestyrke på 2,14 millionar soldatar (2006). Dette gjer at India har verdas tredje største aktive personellstyrke[2][3] etter Folkets frigjeringshær i Kina og Forsvaret i USA.[4]
Sidan India fekk sjølvstende har forsvarsstyrkane kjempa i fleire militære operasjonar, mellom anna tre indo-pakistanske krigar i høvesvis 1947, 1965 og 1971, den sino-indiske krigen, dei sino-indiske trefningane i 1987, Kargilkrigen og i andre konfliktar. Forsvaret har også sendt fredsbevarande styrkar til Sri Lanka (1987–1990), Maldivane (1988) og ulike SN-oppdrag.
Det offisielle forsvarsbudsjettet for finansåret 2011 var på 36,03 milliardar US-dollar (eller 1,83 % av BNP),[1] men kommentatorar reknar med at dei faktiske forsvarsutgiftene er mykje høgare enn dette.[5] Det indiske forsvaret er i rask ekspansjon og modernisering,[6] og har planar om å få til eit aktivt romprogram for militær bruk.[7] Det utviklar for tida eit rakettskjold og ein kjernefysisk triade. Forsvaret i India har kontroll over atomvåpen og opererer med kortdistanse og mellomdistanse ballistiske missil, i tillegg til fly og marinefartøy som kan bera atomvåpen.[8] India er verdas største importør av våpen og står for 9 % av den globale importen, men landet er også blant dei 30 øvste når det gjeld våpeneksport.[9] India importerer nær 70 % av våpena sine, med Israel, Russland og USA som dei største militære leverandørane.[10][11][12]
Remove ads
Kjelder
Bakgrunnsstoff
Wikiwand - on
Seamless Wikipedia browsing. On steroids.
Remove ads