Dimitri Bascou

Dimitri Bascou (fødd 20. juli 1987) er ein fransk friidrettsutøvar frå Schœlcher på Martinique, som har delteke internasjonalt for Frankrike i 110 meter hekk sidan 2006. Han vart europameister i øvinga under EM i friidrett 2016.

Dimitri Bascou
Statsborgarskap	Frankrike
Fødd	20. juli 1987 (38 år) Schœlcher
Idrett	friidrett
Tok del i	Sommar-OL 2012, Friidrett under Sommer-OL 2016 – 110 meter hekk menn
Utmerkingar	ridder av Den nasjonale fortjenstorden

Aktiv

Bascou vart nummer to på korthekken under Mellomhavsleikane 2009, og fjerdemann i øvinga under friidretts-EM 2010 i Barcelona med ny personleg rekord; 13,41 sekundar. Han forbetra denne til 13,37 i 2011, men sleit med å forbetre seg dei neste sesongane.

Under europameisterskapen 2014 i Zürich kvalifiserte Bascou seg til finalen med sterke 13,33 sekundar i semifinalen, men vart diska i finalen. Året etter forbetra han den personlege rekorden til 13,16 sekundar då han vann den eine av dei tre semifinalane i friidretts-VM i Beijing. I finalen sprang han eitt hundredels saktare, noko som gav han ein femteplass. Bascou viste sterk form også under friidretts-EM 2016, fyrst vann han ein semifinale på tida 13,20, før han sikra seg gullet etter 13,25 sekundars finaleløp.

Medaljar og plasseringar i internasjonale meisterskap

• VM 2009 i Berlin: Utslått i semifinalane – nr 16 (13,49)
• EM 2010 i Barcelona: Nr 4 – 13,41
• VM 2011 i Daegu: Utslått i semifinalane – nr 10 (13,62)
• OL 2012 i London: Utslått i semifinalane – nr 19 (13,55)
• EM 2014 i Zürich: Nr 7 – diska i finalen
• VM 2015 i Beijing: Nr 5 – 13,17
• EM 2016 i Amsterdam: Gullmedalje – 13, 25, framom Balázs Baji (13,28)
• VM 2019 i Doha: Utslått i semifinalane – nr 10 (13,62)

Kjelder

• Denne artikkelen bygger på «Dimitri Bascou» frå Wikipedia på fransk, den 12. juli 2016.
• Denne artikkelen bygger på «Dimitri Bascou» frå Wikipedia på engelsk, den 12. juli 2016.

Bakgrunnsstoff

• «Dimitri Bascou» (på engelsk). olympedia.org. Henta 20. februar 2023.
• World Athletics