Drifter's Escape

«Drifter's Escape» er ein song skriven av Bob Dylan som han spelte inn i 1967 for albumet John Wesley Harding. Columbia Records gav songen ut på singel i USA og Storbritannia i 1969 som B-sida til «I Threw It All Away».^[1] Songen vart spelt inn på fire forsøk den 17. oktober 1967.^[2] CBS Records International gav òg ut songen i lag mmed «John Wesley Harding» i somme land.

Drifter's Escape Song av Bob Dylan frå albumet John Wesley Harding
Utgjeve	27. desember 1967
Innspelt	17. oktober 1967
Sjanger	Folkrock
Lengd	2:52
Selskap	Columbia
Komponist	Bob Dylan
Tekstforfattar	Bob Dylan
Låtskrivar(ar)	Bob Dylan
Produsent	Bob Johnston
Bob Dylan-kronologi
«Leopard-Skin Pill-Box Hat»	Drifter's Escape	«Lay Lady Lay»

Dylan spelte ikkje «Drifter's Escape» på konsertane sine i nesten 25 år etter han vart gjeven ut.^[2][3] Han spelte songen første gongen i Oregeon den 30. april 1992, dagen etter Rodney King-dommen.^[2] Han song songen igjen fire dagar seinare i San Francisco. Sidan den gongen har Dylan stundom framført songen på Never Ending-turneen.^[3]

Andre innspelingar

«Drifter's Escape» er òg blitt spelt av mange andre artistar, som Joan Baez og Jimi Hendrix.^[3][4] Baez spelte inn songen i 1968 på albumet hennar Any Day Now.^[3][4] Hendrix sin versjon vart spelt inn i 1970 og finst på Loose Ends i 1974, Stone Free i 1981 og South Saturn Delta i 1997.^[3][4][5] George Thorogood spelte inn songen i 2006 på albumet sitt The Hard Stuff.^[3][4] Patti Smith framførte songen på Chimes of Freedom: The Songs of Bob Dylan Honoring 50 Years of Amnesty (2012).