Eiger

Eiger er eit 3 970 meter høgt, særmerkt fjell i Bern-Alpane. Fjellet er den austlegaste fjelltoppen på ein fjellrygg som strekker seg vidare til Mönch og over skardet Jungfraujoch til Jungfrau. Fjellet er nemnd i skrifter datert til 1200-talet.

Eiger
fjell
Nordveggen på Eiger
Land	Sveits
Fjellkjede	Bern-Alpane
Høgd	3 970 moh.
Primærfaktor	356 m ↓  ↓ Mönch
Koordinatar	46°34′39″N 8°0′19″E
Lettast tilkomst	grunnleggande fjell/snø/isklatring
Førstestiging	Christian Almer
•  dato	11. august 1858
Eiger 46.577607529°N 8.005286822°E / 46.577607529; 8.005286822
Kart som viser Eiger. Kart som viser Eiger.
Wikimedia Commons: Eiger

Toppen av Eiger vart nådd fyrste gongen av dei sveitsiske fjellførarane Christian Almer og Peter Bohren saman med iren Charles Barrington. Dei klatra opp vestsida den 11. august 1858.

Den i kring 1 800 meter høge, stupbratte nordveggen på Eiger har sidan 1935 vore eit mykje søkt mål for skarpklatrarar. Dei to første klatreturane, i 1935 og 1936, enda med at alle klatrarane mista livet. 1936-ekspedisjonen var særleg dramatisk, då det vart gjort forsøk på å berge dei fire klatrarane. I 2005 vart det laga ein spelefilm som rekapitulerte både klatreturen og bergingsekspedisjonen. Eit klatrelag beståande av to tyskarar og to austerrikarar lukkast som dei første å klive nordveggen til topps 24. juli 1938.

Jarnbanen Jungfraubahn går i ein tunnel inne i Eiger, der to stasjonar gjev utsyn gjennom vindauge i fjellsida. Jarnbanen endar opp i fjellskardet Jungfraujoch, med den høgstliggjande jarnbanestasjonen i Europa.

I juli 2006 rausa ei bergnase ut på austsida av Eiger. Om lag 700 000 kubikkmeter stein fall ned i eit aude og folketomt område.

Frå venstre: Eiger, Mönch og Jungfrau sett frå Thunersee

Kjelder

• Denne artikkelen bygger på «Eiger» frå Wikipedia på tysk, den 29. desember 2011.

Bakgrunnsstoff