Eikegrashoppe

Eikegrashoppe (Meconema thalassinum) er ei lita lysegrøn trampegrashoppe. Ho er den einaste reint trelevande grashoppearten i Noreg, og lever særleg på eik.

Eikegrashoppe
Eikegrashoppe
Status
Status i verda: Livskraftig Status i Noreg: Livskraftig[1]
Systematikk
Rike:	Dyr Animalia
Rekkje:	Leddyr Arthropoda
Underrekkje:	Seksfotingar Hexapoda
Klasse:	Insekt Insecta
Orden:	Rettvenger Orthoptera
Familie:	Lauvgrashopper Tettigoniidae
Slekt:	Meconema
Art:	Eikegrashoppe M. thalassinum
Vitskapleg namn
Meconema thalassinum De Geer, 1773

Eikegrashoppa lever av andre insekt. Hannane av arten har ei kroppslengd på 12–15 millimeter, hoene 11–15 millimeter.

Utbreiing

I Noreg finst eikegrashoppa i kyststroka langs Austlandet og Sørlandet, frå Hvaler og Sarpsborg i aust til Kristiansand i vest. I Oslo finst ho i fleire parkar i byen.^[2] Elles finst eikegrashoppa over det meste av Europa, bortsett frå heilt i sør og heilt i nord. Ho finst austover til Kaukasus. Ho er òg innført i Nord-Amerika.