Escape av Journey
From Wikipedia, the free encyclopedia
Remove ads
Escape (skrive E5C4P3 på plateomslaget) er det sjuande studioalbumet til det amerikanske rockebandet Journey, gjeve ut i 1981. Det toppa den amerikanske Billboard 200-lista[1] og inneheld fire hittar som nådde høgt på Billboard Hot 100-lista – «Don't Stop Believin'» (#9), «Who's Crying Now» (#4), «Still They Ride» (#19) og «Open Arms» (#2)[2] – i tillegg til den populære radiosongen «Stone in Love». Albumet selte til 9x platinaplate i USA[3] og har selt over 12 millionar eksemplar verda over. Det er dermed det mest suksessrike studioalbumet deira, og det nest mest suksessrike albumet deira totalt etter Greatest Hits.
Remove ads
Innspeling
Escape var det første albumet til bandet med klaverspelaren Jonathan Cain, som erstatta den opphavlege klaverspelaren Gregg Rolie etter han slutta i bandet mot slutten av 1980. Albumet vart samprodusert av den tidlegare lydteknikaren til Lynyrd Skynyrd, Kevin Elson og den tidlegare lydteknikaren til Queen, Mike Stone, som òg var lydteknikar på dette albumet.
Mottaking og ettermæle
Mike DeGagne i AllMusic gav Escape fire og ei halv stjerne av fem og skreiv «Songane er tidlause og i lag klarar dei på ny å tenne uskulda i ungdommeleg kjærleik og opprørstrongen når ein veks opp, ved hjelp av inderleg låtskriving og solid musikalitet.»[4] Colin Larkin gav albuemt fire av fem stjerner i 2002-utgåva av Virgin Encyclopedia of Popular Music.[5] Meldingane i Rolling Stone var mindre positive då albumet kom ut. Den første meldinga i 1981 av Deborah Frost omtalte Journey som nokon som utgav seg for å vere heavy metal og at musikken på albumet lett kunne spelast av kva studiomusikar som helst. I 2004-utgåva av albumguiden sin, gav Rolling Stone albumet to og ei halv stjerne av fem, som likevel var ei betring frå den eine stjerna Dave Marsh gav albumet i 1983-utgåva av guiden.[8]
I 1988 stemte lesarane av Kerrang! albumet Escape til det beste AOR-albumet gjennom tidene[9]―Classic Rock kom fram til same meining i 2008.[10] I 1989 rangerte Kerrang! Escape på 32. plassen på lista si over dei 100 beste heavy metal-albuma gjennom tidene.[11] Ei undersøking av Virgin i 2000 plasserte albumet på 24. plassen på ei liste over dei beste heavy metal/alternativ rock-albuma.[12] I 2001 rangerte Classic Rock albumet på 22. plassen på lista si over dei 100 beste rockealbuma gjennom tidene.[13] I 2006 publiserte dei lista si over dei 200 beste albuma frå 1980-åra, der albumet var teke med på lista over dei 20 beste albuma frå 1981.[14] Magasinet Q rangerte Escape på 15. plassen på lista si kalla «Plater det er OK å like» i 2006.[15]
Eit spel for Atari 2600 basert på albumet, Journey Escape, kom ut i 1982.
Remove ads
Innhald
Medverkande
Journey
- Steve Perry – solovokal, produsent (spor 12–14)
- Neal Schon – sologitar, korvokal
- Jonathan Cain – klaverinstrument, rytmegitar, korvokal
- Ross Valory – bass, korvokal
- Steve Smith – trommer, perkusjon, korvokal
Produksjon
- Mike Stone, Kevin Elson – produsent, lydteknikar, miksing
- Wally Buck – assisterande lydteknikar
- Bob Ludwig – mastering, ommastering
- Brian Lee – ommastering
- Herbie Herbert – management
- Jim Welch – fotografi, kunstnarisk leiar
- Stanley Mouse – illustrasjonar
Remove ads
Salslister
Escape var det femte bestseljande albumet i 1981, like bak Bella Donna av Stevie Nicks.
Remove ads
Salstrofé
| Land | Organisasjon' | År | Salstal |
| USA | RIAA | 1994 | 9x Platina (+9 000 000)[3] |
| Canada | CRIA | 1983 | 3x Platina (+300 000)[26] |
Kjelder
Wikiwand - on
Seamless Wikipedia browsing. On steroids.
Remove ads