Exciter av Judas Priest

«Exciter» er ein song av det britiske heavy metal-bandet Judas Priest frå 1978 på albumet Stained Class. Det er opningssporet og eit tidleg døme på speed metal.

Exciter Song av Judas Priest frå albumet Stained Class
Utgjeve	10. februar 1978
Innspelt	Oktober-november 1977, Chipping Norton Recording Studios i Oxfordshire
Sjanger	Heavy metal, speed metal
Lengd	5:34
Selskap	CBS, Inc. (UK) Columbia Records (US)
Komponist	Rob Halford, Glenn Tipton
Låtskrivar(ar)	Rob Halford Glenn Tipton
Produsent	Dennis MacKay, Judas Priest

Rettssak i 1990

Under det sivile søksmålet mot bandet i 1990, der dei vart skulda for å plassere skjulte meldingar i songane sine som fekk ungdom til å ta livet av seg, vart «Exciter» spelt av baklengs i retten. Vokalisten Rob Halford synte med dette at når songen blir spelt baklengs verkar det som det vert sagt «I asked for a peppermint, I asked for her to get one.»^[1] Dette synte for retten at alle songar som vert spelt baklengs kan innehalde setningar som vert forma av hjernen. Det same gjaldt «Better By You, Better Than Me», som hadde ein lyd som kunne tolkast som «do it».