Fairport Convention av Fairport Convention

Fairport Convention er debutalbumet til Fairport Convention. Bandet vart danna i 1967 med den originale besetninga Judy Dyble og Ian MacDonald (seinare kjend som Iain Matthews) (vokal), Richard Thompson og Simon Nicol (gitarar), Ashley «Tyger» Hutchings (bass) og Sean Frater, erstatta etter den første konserten av Martin Lamble (trommer). Med denne besetninga gjorde dei den første store konserten sin i London på ein av Brian Epstein sine søndagskonsertar i Saville Theatre.

Fairport Convention Studioalbum av Fairport Convention
Språk	engelsk
Utgjeve	Juni 1968; 1970 i USA
Innspelt	November 1967
Studio	Sound Techniques i London
Sjanger	Folkrock[1]
Lengd	37:46
Selskap	UK: Polydor 582035 (mono), 583035 (stereo); US: Cotillion SD 9024
Produsent	Joe Boyd, Tod Lloyd for Witchseason Productions
Fairport Convention-kronologi
	Fairport Convention	What We Did on Our Holidays (1969)

Meldingar
Karakter
Kjelde	Karakter
Allmusic	[1]
Robert Christgau	(A−) lenkje

Med rock sterkt påverka av dei to første albuma til Jefferson Airplane (i motsetnad til den tradisjonelle engelske folkrocken dei seinare skulle verte kjende for) inneheld debutalbumet songar av Emitt Rhodes, Bob Dylan, Joni Mitchell, Jim & Jean, og ei tilpassing av eit dikt av George Painter, samt nokre originale songar.

Dette er den einaste Fairport Convention-plata med Judy Dyble. Ho vart erstatta i 1968 av Sandy Denny, men ho klarte å gjere seg merka den korte tida ho var i bandet, særleg sidan ho strikka oppvasklutar på scenen når ho ikkje faktisk song.^[2]

Albumet må ikkje forvekslast med Fairport Convention på A&M Records, som er den amerikanske utgjevinga av det andre britiske albumet deira, What We Did On Our Holidays. Det første albumet vart omsider gjeven ut i USA på Cotillion Records i 1970.

Innhald

Side ein

Nr.	Tittel	Låtskrivar(ar)	Lengd
1.	«Time Will Show the Wiser»	Emitt Rhodes	03:05
2.	«I Don't Know Where I Stand»	Joni Mitchell	03:45
3.	«If (Stomp)»	Ian MacDonald, Richard Thompson	02:45
4.	«Decameron»	Paul Ghosh, Andrew Horvitch, Thompson	03:42
5.	«Jack O'Diamonds»	Bob Dylan, Ben Carruthers	03:30
6.	«Portfolio»	Judy Dyble, Tyger Hutchings	02:00

Side to

Nr.	Tittel	Låtskrivar(ar)	Lengd
7.	«Chelsea Morning»	Joni Mitchell	03:05
8.	«Sun Shade»	Ghosh, Horvitch, Thompson	03:50
9.	«The Lobster»	George Painter, Hutchings, Thompson	05:25
10.	«It's Alright Ma, It's Only Witchcraft»	Hutchings, Thompson	03:12
11.	«One Sure Thing»	Harvey Brooks, Jim Glover	02:50
12.	«M1 Breakdown»	Hutchings, Simon Nicol	01:22

Bonusspor på 2003-utgåva

Nr.	Tittel	Låtskrivar(ar)	Lengd
13.	«Suzanne»	Leonard Cohen	05:48
14.	«If I Had a Ribbon Bow»	Hughie Prince, Lou Singer	02:44
15.	«Morning Glory»	Larry Beckett, Tim Buckley	03:13
16.	«Reno, Nevada»	Richard Fariña	07:43

Medverkande

• Judy Dyble - solovokal, elektrisk og akustisk autoharpe, blokkfløyte, piano
• Ian MacDonald - solovokal, munnspel
• Richard Thompson - vokal, sologitar, mandolin
• Simon Nicol - vokal, elektrisk 12- og 6-strengs og akustiske gitarar
• Ashley Hutchings - bassgitar, krukke, kontrabass
• Martin Lamble - perkusjon, fiolin

med

• Claire Lowther - cello