Fantastic Voyage

«Fantastic Voyage» er ein song skriven av David Bowie og Brian Eno i 1979 for albumet Lodger. Det har nesten nøyaktig den same akkordsekvensen som «Boys Keep Swinging» frå det same albumet. Han har òg komen ut som B-side til singlane «Boys Keep Swinging» og «Peace on Earth/Little Drummer Boy», og den amerikanske utgåva av «DJ».

Fantastic Voyage Song av David Bowie frå albumet Lodger
Utgjeve	18. mai 1979
Innspelt	September 1978 til mars 1979
Sjanger	Kunstrock
Lengd	2:55
Selskap	RCA
Komponist	David Bowie, Brian Eno
Tekstforfattar	David Bowie, Brian Eno
Låtskrivar(ar)	David Bowie, Brian Eno
Produsent	David Bowie og Tony Visconti

Medverkande

• David Bowie: vokal, piano, korvokal
• Dennis Davis: perkusjon
• George Murray: bass
• Sean Mayes: piano
• Simon House: mandolin
• Adrian Belew: mandolin
• Tony Visconti: mandolin, korvokal
• Brian Eno: ambient drone

Andre utgjevingar

Songen kom ut som ei biletplate som ein del av Fashions Picture Disc Set.

Konsertversjonar

«Fantastic Voyage» vart framført for første gongen på konsert under A Reality Tour i 2003. I følgje biografen Nicholas Pegg «var det eit godt val både politisk og estetisk: det globale klimaet med Irakkrigen og etterverknaden, kjenslene uttrykte i 'Fantastic Voyage' har aldri verka meir høvande.»^[1] Eit konsertopptak frå november 2003 kom ut på DVD-en A Reality Tour i 2004, og på konsertalbumet A Reality Tour frå 2010. Det er ein av dei siste songane Bowie framførte på scenen, då han seint i 2006 framførte songen i lag med «Changes» og «Wild Is the Wind»).^[2]

Andre versjonar

• Songen vart spelt inn og omsett til hebraisk av den israelske songaren Noam Rotem på debutplata hans i 2004.
• Det amerikanske indierockbandet Shearwater framførte ein versjon av songen i mai 2016 for The A.V. Club sin A.V. Undercover-serie.^[3]
• Mike Garson, Trent Reznor og Atticus Ross spelte songen på ein nettbasert hyllestkonsert for Bowie, kalla «A Bowie Celebration: Just For One Day» i januar 2021