DJ av David Bowie

«DJ» er ein song av den engelske musikaren David Bowie, gjeven ut i 1979 på albumet Lodger, og så på singel 29. juni 1979.

DJ Singel av David Bowie frå albumet Lodger
B-side	Repetition
Språk	engelsk
Utgjeve	29. juni 1979
Innspelt	Mountain Studios, Montreux, september 1978; Record Plant Studios, New York, mars 1979
Sjanger	New wave, funkrock
Lengd	3:59 (album) 3:20 (singel)
Selskap	RCA BOW 3
Komponist	David Bowie, Carlos Alomar, Brian Eno
Tekstforfattar	David Bowie
Låtskrivar(ar)	David Bowie Brian Eno Carlos Alomar
Produsent	David Bowie Tony Visconti
David Bowie-kronologi
«Boys Keep Swinging» (1979)	DJ	«Yassassin» (1979)

Songen er ein kynisk kommentar til kulten kring DJ-ar og har ein gitarsolo av Adrian Belew, som vart spelt inn i fleire forsøk og så miksa i lag for albumet. I ein biografi om Talking Heads vert det sagt at Bowie på denne songen prøvde å syngje som David Byrne, som var i ferd med å bli ven med Brian Eno på den tida.

Singelen var ei kortare utgåve av songen, men han var framleis for ukommersiell til å gjere det særleg bra og nådde berre 29. plass i Storbritannia og 106. plassen på Billboard Bubbling Under the Hot 100-lista i USA.^[1]

Songen vart framført på konsert av Bowie for første gong på Outside-turneen i 1995.

Innhald

1. «DJ» (Bowie, Eno, Alomar) – 3:20
2. «Repetition» (Bowie) – 2:59

Benny Benassi-remiks

1. «DJ (David Bowie vs. Benny Benassi)» – 2:35
2. «DJ (David Bowie vs. Benny Benassi)» (extended) – 6:19

Medverkande

• Produsentar:
  • Tony Visconti
  • David Bowie
• Musikarar:
  • David Bowie: vokal, Chamberlin, piano
  • Adrian Belew: gitar
  • Carlos Alomar: gitar
  • George Murray: bassgitar
  • Dennis Davis: trommer
  • Simon House: fiolin
  • Brian Eno: synthesizer på «Repetition»

Musikkvideo

David Mallet regisserte ein video for songen, der Bowie øydelegg eit DJ-studio, miksa med Bowie som vandrar kring i London og tiltrekkjer seg folk som passerer forbi.

Andre utgjevingar

• Songen finst på samlealbuma:
  • Chameleon (Australia/New Zealand 1979)
  • ChangesTwoBowie (1981)
  • Fame and Fashion (1984)
  • The Singles Collection (1993)
  • The Best of 1974/1979 (1998)
  • Best of Bowie (US/Canada 2002)
  • The Platinum Collection (2005/2006)
• Songen vart gjeven ut som biletplate i RCA Life Time-settet.
• Singelutgåva av songen kom ut på Re:Call 3, ein del av plateboksen A New Career in a New Town (1977–1982) (2017).^[2]

Andre versjonar

• Danny Michel - Loving the Alien: Danny Michel Sings the Songs of David Bowie (2004)
• Momus - Turpsycore (2015)