Farse til mat

Farse er ei blanding av fleire ingrediensar som kan nyttast til vidare matrettar.^[1] Kjøtfarse eller fiskefarse er ei blanding av hakka eller male kjøt eller fisk og egg, mjøl, mjølk og krydder. Farse blei opphavleg brukt til å farsera, eller fylla, med. Farse var ikkje utbreidd utanfor dei større kjøkkena før kjøtkverna blei innført på slutten av 1800-talet.^[2]

Dans frikadellefarse (her under innleiande steiking).

Ein kan laga vegansk eller vegetarisk med kikerter, soya eller ulike kjøterstattingar, og med soya-, ris- eller havremjølk i staden for mjølk.^[3]

Ordsoge

Ordet kjem over fransk farce frå latin farsum som betyr ‘fyll’, og frå verbet farcire, som betyr ‘å stoppa’ eller ‘å fylla’. Tradisjonelt har farse vore brukt som fyll i fjørfe og posteiar.^[4]