Finn Helgesen

Finn Helgesen (25. april 1919–3. september 2011) var ein norsk skøyteløpar som vart olympisk meister på 500 meter under Vinter-OL 1948 i St. Moritz.

Finn Helgesen
Statsborgarskap	Noreg
Fødd	25. april 1919 Drammen kommune
Død	3. september 2011 (92 år) Lørenskog
Yrke	skøyteløpar
Finn Helgesen på Commons

Aktiv

Helgensen var rein sprint-løpar og hevda seg aldri på andre distansar enn 500 m. Han vann 500-meteren i noregsmeisterskapane 1947, 1949 og 1952. Under dei olympiske leikane i St. Moritz i 1948 gjekk han sitt livs snøggaste løp og vart klokka i mål på 43,1 sekundar. Han tok dermed gullmedaljen på 500 m, eitt tidels sekund framom tre løparar som fekk kvar si sølvmedalje, mellom dei landsmannen Thomas Byberg. Fire år seinare fekk Helgesen same tid, 44,0, som parkameraten Gordon Audley frå Canada under Vinterleikane 1952 i Oslo, men vart dømt etter i mål og enda på femteplass.

Helgesen var fødd i Drammen, men representerte Oslo Skøiteklub. Han døydde i Lørenskog.

Kjelder

• (en) Finn Helgesen – Profil og resultatoversikt i olympiske konkurransar på sports-reference.com.

• Denne artikkelen bygger på «Finn Helgesen» frå Wikipedia på bokmål, den 20. desember 2013.