Geir Lippestad

Geir Lippestad (fødd 7. juni 1964 i Hønefoss) er ein norsk politikar frå Oslo. Lippestad er partileiar for Partiet Sentrum,^[1] og arbeider elles som advokat i Advokatfirmaet Lippestad AS i Oslo,^[2] og dessutan partnar i dette firmaet saman med advokat Vibeke Hein Bæra.

Geir Lippestad
Fødd	7. juni 1964 (61 år) Hønefoss
Statsborgar av	Noreg
Parti	Arbeidarpartiet (september 2020), Partiet Sentrum (september 2020)
Yrke	advokat, politikar
Utdanna ved	Det juridiske fakultetet ved Universitetet i Oslo

Karriere

Advokat

Lippestad er kjend for å ha vore forsvarar for dei tiltalte i to særs alvorlege drapssaker. Han tok på seg forsvaret av den eine av dei tre tiltalte for det såkalla Holmlia-drapet i Oslo, som vart dømd til 17 år i fengsel i 2002, og for den tiltalte for terroråtaka på Utøya og i Oslo 22. juli 2011, som vart dømd i 2012 til 21 års forvaring med minstetid 10 år. I den siste saka vart Lippestad assistert av advokat Vibeke Hein Bæra og to andre advokatar frå Advokatfirmaet Lippestad AS som medforsvararar.