Give a Little Bit

«Give a Little Bit» er opningssporet på Supertramp-albumet Even in the Quietest Moments... frå 1977. Songen vart gjeven ut på singel same året og vart ein internasjonal hit. Songen nådde 15. plassen på Billboard Pop Singles-lista.^[1] I heimlandet nådde songen 29. plassen på UK Singles Chart.^[2] Singelen kom ut på ny i 1992 til inntekt for ein ITV Telethon, men gjekk då ikkje inn på listene.

Give a Little Bit Singel av Supertramp frå albumet Even in the Quietest Moments...
B-side	Downstream
Utgjeve	Mai 1977
Sjanger	Progressiv pop folkrock countryrock
Lengd	4:08
Selskap	A&M
Komponist	Roger Hodgson
Tekstforfattar	Rick Davies, Roger Hodgson
Låtskrivar(ar)	Rick Davies Roger Hodgson
Produsent	Supertramp
Supertramp-kronologi
«Sister Moonshine» (1976)	Give a Little Bit	«Babaji» (1977)

Songen er oppført som skriven av Rick Davies og Roger Hodgson, men er i røynda skriven av Hodgson aleine.^[3] Hodgson og Davies delte låtskrivarhonorora frå 1974 til 1983, då Hodgson slutta i Supertramp. Songen er prega av dei ringande tonane frå ein 12-strengs akustisk gitar, som vart spelt inn i ein metall- og glasheis i studioet der bandet spelte inn songen. Songen vert òg framført med ein Hohner Clavinet spelt gjennom ein Leslie-høgtalar i mellomspelet.

«Give a Little Bit» vart først skriven av Hodgson då han var 19 eller 20 år, før han vart introdusert for bandet 5-6 år seinare. Hogdson sa at songen var inspirert av The Beatles-songen «All You Need Is Love».^[4][5][6]

Innhald

7"-vinylsingel (1977)

Side ein

Nr.	Tittel	Lengd
1.	«Give a Little Bit»	3:20

Side to

Nr.	Tittel	Lengd
1.	«Downstream»	4:00

CD-singel (1990)

Nr.	Tittel	Lengd
1.	«Give a Little Bit»	4:07
2.	«The Logical Song» (konertopptak)	3:41
3.	«Bloody Well Right» (konertopptak)	6:11

CD-singel (1992)

Nr.	Tittel	Lengd
1.	«Give a Little Bit»	4:10
2.	«Give a Little Bit» (konertopptak)	4:03
3.	«Breakfast in America»	2:38

CD-singel (2012)

Give a Little Bit (med kor)

Salslister

Liste (1977)	Plassering
Canada RPM Top Singles	8
Den nederlandske GfK-lista[7]	2
Nederlandsk Topp 40[8]	2
Den tyske singellista[9]	29
Norwegian Singles Chart[10]	9
South Africa (Springbok)[11]	4
UK Singles Chart[2]	29
U.S. Billboard Pop Singles[1]	15
U.S. Cash Box Top 100[12]	12

Salstrofé

Region	Salstrofé	Salstal
Storbritannia (BPI)[13]	Sølv	200 000^
xuspesifserte tal er baserte på sertifiseringa aleine

Medverkande

• Roger Hodgson – akustisk 12-strengs gitar, elektrisk 6- og 12-strengs gitar, solo- og korvokal
• Dougie Thomson – bass
• Bob Siebenberg – trommer, tamburin, maracas, vibraslap
• Rick Davies – clavinet, piano, korvokal
• John Helliwell – altsaksofon

Goo Goo Dolls-versjonen

Give a Little Bit Singel av Goo Goo Dolls frå albumet Let Love In og Live in Buffalo: July 4th 2004
B-side	Sympathy
Utgjeve	5. oktober 2004
Sjanger	Akustisk rock, alternativ rock
Lengd	3:35
Selskap	Warner Bros.
Komponist	Roger Hodgson
Tekstforfattar	Rick Davies, Roger Hodgson
Låtskrivar(ar)	Rick Davies/Roger Hodgson
Produsent	Goo Goo Dolls og Rob Cavallo
Goo Goo Dolls-kronologi
«Sympathy» (2002)	Give a Little Bit	«Better Days» (2005)

I 2004 spelte Goo Goo Dolls inn songen og gav han ut på singel. Denne nådde 37. plassen på Billboard Hot 100-lista i februar 2005.^[14] Han vart først (dels) spelt inn i 2001 av gitaristen/solovokalisten Johnny Rzeznik for ein reklame for The Gap der han song songen i lag med andre artistar. Songen opna konsertalbumet Live in Buffalo: July 4th, 2004, og kom seinare ut på albumet Let Love In. I mai 2006 vart versjonen deira av «Give a Little Bit» av American Society of Composers, Authors and Publishers (ASCAP) oppført som ein av dei mest spelte songane i repertoaret til ASCAP i 2005.^[15]

Innhald

Nr.	Tittel	Lengd
1.	«Give a Little Bit»	3:35
2.	«Sympathy»	2:58
3.	«Give a Little Bit» (akustisk versjon)	3:35

Salslister

Liste (2005)	Plassering
Den austerrikske singellista[16]	45
Den tyske singellista[9]	78
U.S. Billboard Hot 100[17]	37
U.S. Billboard Adult Contemporary[17]	5
U.S. Billboard Adult Top 40[17]	1
U.S. Billboard Top 40 spor[17]	30
U.S. Billboard Radio Songs	36