Gol i Hallingdal

Gol er ein tettstad og administrasjonssenteret i Gol kommune i Buskerud. Han er den største tettstaden i Hallingdal, med 3 343 innbyggjarar per 1. januar 2024.

Gol
tettstad
Hovudgata i Gol i Hallingdal.
Land	Noreg
Fylke	Buskerud
Kommune	Gol
Areal	3,92 km²
Folketal	3 343  (2024)
Folketettleik	853 / km²
Postnummer	3550 Gol
Innbyggjarnamn	goling
Preposisjon	på Gol
Gol 60.6994°N 8.95°E / 60.6994; 8.95
Wikimedia Commons: Gol (village)

Gol ligg der riksveg 52 frå Hemsedal møter riksveg 7, som bind Geilo saman med Vikersund. Bygda er eit viktig handels-, teneste- og kommunikasjonssenter og har ein del turisme, med fleire butikkar og hotell.^[1] På Gol er det grunnskule, Gol vidaregåande skule, Hallingdal folkehøgskule og Gol bygdemuseum, ein del av Hallingdal Museum. Gol stasjon er stoppestad for Bergensbanen. Gol kyrkje på Gol er ei langkyrkje i tre frå 1882. Gol stavkyrkje, ei stavkyrkje frå mellomalderen, vart i 1884 flytta til Norsk Folkemuseum i Oslo. Ein kopi av denne kyrkja, Gol nye stavkyrkje, er oppført i familieparken Gordarike på Gol.

Bilete frå Gol

• 
  Gol stasjon
• 
  Frå Gol bygdemuseum
• 
  Gol nye stavkyrkje