Graham Broad

Graham Broad (fødd 10. mars 1957) er ein engelsk trommeslagar som har vore profesjonell musikar sidan han var femten, etter å ha gått på Royal College of Music i 1970.

Graham Broad
Broad spelar «Time» med Roger Waters i Ottawa i 2007
Fødd	10. mars 1957 (68 år)
Fødestad	Hammersmith i London i England
Opphav	Storbritannia
Aktiv	1970 til i dag
Sjanger	Rock, blues, alternativ rock, jazzfusion
Instrument	Trommer, perkusjon
Tilknytte artistar	Roger Waters, Bill Wyman's Rhythm Kings, Bandit
Verka som	Musikar, plateprodusent

Han har arbeidd med musikarar som Roger Waters, Tina Turner, The Beach Boys, Jeff Beck, Van Morrison, Bryan Adams, Bill Wyman, Tony Banks og George Michael.^[1]

Han var ein av dei mest produktive trommmeslagarane i 1980-åra og medverka på hittar for Bucks Fizz, Dollar, Tina Turner, Bardo, Go West, Five Star, ABC og Wham!.

Broad har hovudsakleg spelt med tidlegare Pink Floyd-medlem Roger Waters sidan 1987, då han spelte på albumet Radio KAOS og den påfølgjande turneen. I 1990 spelte Broad med Waters på The Wall Concert in Berlin. I 1992 spelte han på Waters-albumet Amused To Death. I 1999 inviterte Waters han med på In the Flesh-turneen som varte frå 1999 til 2002. Broad har òg spelt med Waters på seinare turnear. Seinast i 2010.

Diskografi

• Mike Oldfield - Five Miles Out
• Tony Banks - Still
• Roger Waters - Radio K.A.O.S.
• Roger Waters - The Wall – Live in Berlin
• Roger Waters - Amused to Death
• Roger Waters - In the Flesh – Live
• Roger Waters - The Wall Tour