Haill

Hald, hall, haill eller vadhald er eit nordnorsk omgrep for god fiskelukke som skal koma av å ha hatt eit nyleg samleie.^[1] Ordet «hald» kan frå norrønt visa til å ha tak eller drag på noko.^[1] Det var opphavleg berre knytt til kveitefiske.^[1]

Store kveiter fanga i Alaska.

Motsett kan dårleg fiskelukka forklarast med at ein manglar eller har dårleg hald.^[2] Arthur Brox rapporterer frå Ytre Senja at dårleg fiskelukke, som at ein fekk skate (ufisk) i staden for kveite på kroken, kunne skuldast på at ein hadde fått dårleg hald frå kona eller kjærasten.^[1]