Hells Bells

«Hells Bells» er opningssporet på Back in Black, det sjuande studioalbumet til det australske hardrockbandet AC/DC, som var det første albumet deira etter at songaren deira Bon Scott døydde. «Hells Bells» er den andre singelen frå Back in Black, og kom ut 31. oktober 1980. Songen kom òg ut på Who Made Who, eit filmmusikkalbum av AC/DC frå 1986 for Stephen King-filmen Maximum Overdrive og på begge versjonane av AC/DC Live i 1992.

Hells Bells Singel av AC/DC frå albumet Back in Black
B-side	What Do You Do for Money Honey
Utgjeve	31. oktober 1980
Innspelt	April til mai 1980
Studio	Compass Point (Nassau)
Sjanger	Hardrock[1]
Lengd	5:12
Selskap	Atlantic
Komponist	Angus Young
Tekstforfattar	Brian Johnson
Låtskrivar(ar)	Angus Young Malcolm Young Brian Johnson
Produsent	Robert John «Mutt» Lange
AC/DC-kronologi
«You Shook Me All Night Long» (1980)	Hells Bells	«Rock and Roll Ain't Noise Pollution» (1980)

Komposisjon

«Hells Bells» byrjar med den langsame, sørgjelege klangen av eit tonn tung bronseklokke.^[2] Klokka var laga av John Taylor & Co. Bellfounders i Loughborough, og lyden av klokka vart spelt inn av Tony Platt ved hjelp av Ronnie Lanes mobile studio inne i klokkestøyperiet etter at innspelinga av Back in Black var ferdig i Compass Point Studios på Bahamas.^[2]

Mottaking

«Hells Bells» blir rekna av mange som ein av dei beste låtane til bandet. I 2020 rangerte The Guardian låten som nummer seks på lista si over dei 40 beste AC/DC-låtane,^[3] og i 2021 rangerte Kerrang! låten som nummer sju på lista si over dei 20 beste AC/DC-låtane.^[4]

Salslister

År	Liste	Plassering
1980	Frankrike (IFOP)[5]	16
1981
	Australske (Kent Music Report)[6]	7
	Tyskland (Media Control AG)[7]	25
	US Mainstream Rock (Billboard)[8]	50
2012	Austerrike (Ö3 austerriksk Topp 40)[9]	49
	Frankrike (SNEP)[10]	43
	Tyskland (Media Control AG)[7]	25
	US Digital Songs (Billboard)[11]	51
2015	Sveits (Schweizer Hitparade)[12]	61
2022	Ungarn (Singel Topp 40)[13]	32

Salstrofé

Region	Salstrofé	Salstal
Tyskland (BVMI)[14]	Gull	250 000^
Italia (FIMI)[15]	Gull	25 000*
Mexico (AMPROFON)[16]	Platina	60 000^
Storbritannia (BPI)[17]	Sølv	200 000^
*salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine

Use in sports

«Hells Bells» vart brukt som inngangsmusikk for den tidlegare Major League Baseball-spelaren Trevor Hoffman på heimekampar frå 1998 til 2010.^[18][19]

Songen blir spelt før kvar heimekamp for New Jersey Devils når spelarane kjem ut på isen.^[20]

Den tyske fotballklubben FC St. Pauli frå Hamburg og den franske rugbyklubben RC Toulonnais frå Toulon opnar alle heimekampar med å gå ut til «Hells Bells», førstnemnde ofte med store fanoppvisningar og pyroteknikk.^[21][22]

Under surfekonkurransen Bells Beach i Victoria i Australia, blir «Hells Bells» spelt i høgtalarane i byrjinga av det første heatet kvar konkurransedag.^[23]