Hilly Michaels

Hilly Michaels, òg kjend som Hilly Boy Michaels, er ein USA-amerikansk trommeslagar og musikar som er mest kjend for å ha spelt trommer i Sparks i 1970-åra.^[1] Han spelte på Sparks-albumet Big Beat og var den einaste av studiomusikarane på albumet som vart med Ron og Russell Mael frå Sparks på turnéen som følgde i Nord-Amerika.^[2] Michaels har gjeve ut to solaoblum tidleg i 1980-åra, Calling All Girls (1980) og Lumia (1981).

Hilly Michaels
Fødestad	New Haven i Connecticut i USA
Opphav	USA
Aktiv	Sidan 1970-åra
Sjanger	Rock
Instrument	Vokal, gitar, trommer, perkusjon
Tilknytte artistar	Sparks
Plateselskap	Warner Bros.
Verka som	Musikar, produsent

Michaels har òg spelt i bandet Joy, med ein ung Michael Bolton, og artistar som The Cherry Vanilla Band, Peach & Lee, Ellen Foley, The Hunter/Ronson Band, Dan Hartman, John Mellencamp, Marianne Faithfull og Ronnie Wood.

Michaels var i eit forhold med Marianne Faithfull i midten av 1980-åra og dei budde i lag i New York City.^[3]

Diskografi

Album

• Calling All Girls (1980)
• Lumia (1981)
• Pop This! (2010)

Singlar

• «Calling All Girls» (1980) - 99. plassen i Australia^[4]
• «Shake It and Dance» (1981) - 69. plassen i Australia^[4]