Hundeliknande rovpattedyr

Hundeliknande rovpattedyr (Caniformia) er ein underorden innanfor ordenen rovpattedyr (Carnivora). Gruppa inkluderer hundefamilien (ulvar, revar, og mårhund), bjørnar, vaskebjørn, raudpanda og mårdyr.^[1] Selfamilien, kvalross og øyreselar er også tilordna denne gruppa.

Hundeliknande rovpattedyr
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Pattedyr Mammalia
Infraklasse:	Placentale pattedyr Placentalia
Overorden:	Laurasiatheria
Orden:	Rovpattedyr Carnivora
Underorden:	Hundeliknande rovpattedyr Caniformia Kretzoi, 1943

Diversifiseringssenteret for Caniformia var i Nord-Amerika og nordlege Eurasia.

Caniformia står i kontrast til den andre underordenen av rovpattedyr, katteliknande rovdyr (Feliformia), med senter for diversifisering som var i Afrika og Sør-Asia.

Skildring

Dei fleste medlemmene av denne gruppa har ikke-tilbaketrekkbare klør. Unnatak er fiskarmår,^[2] mårar,^[3] havoter (berre forpotar),^[4] raudpanda,^[5] og nordamerikansk kakomistl (Bassariscus astutus),^[6] og nokre revar som har tilbaketrekkberre eller halvt tilbaketrekkberre klør. Andre eigenskapar som skil Caniformia frå Feliformia er at «dei hundeliknande» Caniforma har lengre kjevar og fleire tenner, med mindre spesialiserte rovtenner (carnassial). Dei tenderer også meir mot å vere altetande, medan «dei katteliknande», bortsett frå leopardmår og snikkattane, er meir spesialiserte for å ete kjøtt.

Liste av biologiske familiar i underorden hundeliknande rovpattedyr:

• Hundefamilien (Canidae)
• Bjørnefamilien (Ursidae)
• Kvalross (Odobenidae)
• Øyreselar (Otariidae)
• Selfamilien (Phocidae)
• Raudpandaer (Ailuridae)
• Skunkar (Mephitidae)
• Halvbjørnar (Procyonidae)
• Mårdyr (Mustelidae)