Hymn av Ultravox

«Hymn» er ein song frå 1982 av Ultravox, gjeven ut som den andre singelen frå albumet deira, Quartet. Songen nådde 11. plassen på den britiske singellista og topp 10 i Tyskland og Sveits.^[1]

Hymn Singel av Ultravox frå albumet Quartet
B-side	«Monument» «The Thin Wall (Live)»
Utgjeve	19. november 1982
Innspelt	1982
Studio	AIR Studios i London
Sjanger	Synthpop, post-punk, new wave
Lengd	4:24 (singel) 5:46 (album)
Selskap	Chrysalis Records
Låtskrivar(ar)	Warren Cann, Chris Cross, Billy Currie, Midge Ure
Produsent	George Martin
Ultravox-kronologi
«Reap the Wild Wind» (1982)	Hymn	«Visions in Blue» (1983)

Historie

Songen vart skriven av Warren Cann, Chris Cross, Billy Currie og Midge Ure og produsert av George Martin. Singelomslaget syner visse symbol frå frimureri, mellom anna kompass og kvadrat.

Trommeslagaren Warren Cann skreiv refrenget på «Hymn» og var kraftig inspirert av The Zones-songen «Mourning Star» (1977). Chris Cross skreiv versa med hjelp av Midge Ure, medan Billy Currie skreiv mellomspelet.

Teksen omhandlar ei tid med korrupsjon.

Innhald

7"-versjon

1. «Hymn» [singel] – 4:24 (tekst: Midge Ure - musikk: Warren Cann, Chris Cross, Billy Currie, Midge Ure)
2. «Monument» – 3:16 (Warren Cann, Billy Currie)

12"-versjon

1. «Hymn» – 5:46
2. «Monument» – 3:16
3. «The Thin Wall (Live)» – 5:54 (tekst: Midge Ure, Warren Cann - musikk: Warren Cann, Billy Currie, Midge Ure)

Andre versjonar

Songen har blitt spelt av mange andre artistar, som Magna Charta (1990), Cabballero (1994), Cosmo (1994), det tyske electro-prosjektet Music Instructor (1995), Supporters (1997), The Stunned Guys (1998), Edguy (1998), DJ Jaxx (2000), 4 Clubbers (2002) Gigi D'Agostino (2003), Lunatica (2004), Tina Cousins (2004), den polske DJ-en Psychophaze (2005), Mägo de Oz (under namnet «Mañana empieza hoy») (2005), Raz Ohara (2005), Age Pee (2006), Trancemission (2006), Parasytic (2008), PROXIMITY (2010), Kirlian Camera (2011), Mägo de Oz igjen (2013) og Marnik & Danko (2018)