Imboden

Imboden (retoromansk Plaun) er eit landskap og eit forvaltnigsdistrikt i den sveitsiske kantonen Graubünden. Landskapet ligg i åmotet mellom Vorderrhein og Hinterrhein, som dannar Rhinen i kommunen Tamins. Imboden ligg såleis ved inngangen til dalane Surselva i vest og Hinterrheindalen (Sutselva) i sør. Imboden grensar til kantonane Glarus og St. Gallen i nord. Fjellkjeda Glarus-Alpane set stopp for direkte trafikksamband til dei to kantonane.

Imboden
Bezirk Imboden, Plaun
distrikt
Land	Sveits
Kanton	Graubünden
Hovudstad	Domat/Ems
Areal	203,81 km²
Folketal	18 773  (2010)
Kommunar	7
Imboden 46.85°N 9.35°E / 46.85; 9.35
Kart som viser Imboden. Kart som viser Imboden.
Wikimedia Commons: Imboden (district)

Imboden har eit areal på 203 km² og 17 700 innbyggarar. Talemålet i distriktet har i stor utstrekning vore retoromansk heilt til siste halvdelen av 1900-talet (46 % i 1980, 29 % i 1990). Sjølv om ein stor del av befolkninga forstår retoromansk, har einast 9 % behalde det som førstespråk. Dei fleste, 80 %, har i dag tysk som førstespråk. Fire prosent snakkar italiensk.

Distrikta i Graubünden er reint administrative einingar. Imboden består av to krinsar (Kreise) og sju kommunar (Gemeinden), som har stor grad av politisk sjølvstyre. Desse er:

Kreis Rhäzüns / Circul da Razén
Namn	Areal (km²)	Folketal	Språk
			tysk	ret.	ital.
Bonaduz	14	2592	88 %	5 %	2 %
Domat/Ems	24	6896	73 %	11 %	7 %
Rhäzüns	13	1220	79 %	10 %	3 %
Heile krinsen	51	10708	77 %	9 %	5 %

Kreis Trins / Circul da Trin
Namn	Areal (km²)	Folketal	Språk
			tysk	ret.	ital.
Felsberg	13	2051	92 %	3 %	1 %
Flims	51	2605	80 %	7 %	2 %
Tamins	41	1163	88 %	4 %	3 %
Trin	47	1142	73 %	20 %	3 %
Heile krinsen	152	6961	84 %	7 %	2 %

Kjelder

• Denne artikkelen bygger på «Imboden» frå Wikipedia på bokmål, den 10. januar 2012.