It's Now or Never

«It's Now or Never» er ein ballade spelt inn av Elvis Presley og publisert av Gladys Music, songforlaget til Elvis Presley, i 1960. Det var ein av to populære songar basert på den italienske songen «'O Sole mio» (musikken av Eduardo di Capua). Den andre er «There's No Tomorrow», spelt inn av den amerikanske songaren Tony Martin i 1949, som var inspirasjon for Presley sin versjon. Teksten var skriven av Aaron Schroeder og Wally Gold. Singelen er den nest mestseljande singelen til Presley og ein av dei bestseljande singlane gjennom tidene.^[1]

Meir informasjon B-side, Låtskrivar(ar) ...

Seint i 1950-åra, medan han var stasjonert i Tyskland med U.S. Army, høyrde Presley innspelinga til Martin. I følgje The New York Times, som siterte frå boka Behind The Hits frå 1986, «fortalte han om ideen til musikkforleggjaren sin, Freddy Bienstock, som vitja han i Tyskland... Mr. Bienstock, som ofte fann låtskrivarar til Presley, drog attende til kontoret sitt i New York, der han fann låtskrivarane, [Aaron] Schroeder og Wally Gold, dei einaste som var på kontoret den dagen. Dei to skriv teksten på ein halvtime. Songen selde meir enn 20 millionar plater og gjekk til topps i mange land verda over og var den bestseljande singelen til Presley... ein song dei skreiv ferdig på 20-30 minutt til vart den største songen i karrieren deira.»^[2]

I 1960 gjekk «It's Now or Never» til topps i USA, og låg på førsteplassen i fem veker. I Storbritannia låg han åtte veker på toppen i 1960 og nok ei veke i 2005, då singelen kom ut på ny. Han nådde òg toppen av listene i mange andre land, og selde i overkant av 25 millionar eksemplar verda over. Den britiske utgjevinga vart forseinka ei stund fordi ein måtte ordne opp i opphavsrettane først, og det vart eit stort førehandssal på singelen som gjorde at han gjekk rett inn på toppen av den britiske singellista, noko som var særs sjeldan på den tida. «It's Now or Never» nådde sjuandeplassen på R&B-lista.^[3]

Ein konsertversjon i lag med «'O Sole mio» finst på konsertalbumet Elvis in Concert i 1977. «'O Sole mio» vart sungn av tenoren Sherrill Nielson.

Tidleg i 2005 vart songen gjeven ut på ny i lag med andre singlar av Presley i Storbritannia. Han gjekk då igjen til topps på UK Singles Chart den 5. februar 2005. Songen er òg nytta i miniserien Elvis.

[1]

[2]

[3]

Elvis Presley-kronologi
It's Now or Never Singel av Elvis Presley

B-side	«A Mess of Blues»
Språk	engelsk
Utgjeve	5. juli 1960
Innspelt	3. april 1960, RCA Studios, Nashville i Tennessee
Sjanger	Pop
Lengd	3:15
Selskap	RCA
Komponist	Eduardo Di Capua
Tekstforfattar	Aaron Schroeder, Wally Gold
Låtskrivar(ar)	Wally Gold, Aaron Schroeder, Eduardo di Capua
«Stuck on You» (1960)	It's Now or Never	«Are You Lonesome Tonight?» (1960)

John Schneider-kronologi
It's Now or Never Singel av John Schneider frå albumet Now or Never

B-side	«Stay»
Språk	engelsk
Utgjeve	1981
Sjanger	Country
Lengd	3:22
Selskap	Scotti Brothers
Komponist	Eduardo Di Capua
Tekstforfattar	Aaron Schroeder, Wally Gold
	It's Now or Never	«Them Good Ol' Boys Are Bad» (1981)

Lister (1981)	Plassering
Canadian RPM Country Tracks	7
Canadian RPM Adult Contemporary Tracks	5
U.S. Billboard Hot 100	14
U.S. Billboard Hot Country Singles	4
U.S. Billboard Hot Adult Contemporary Tracks	5

It's Now or Never

Lister og salstrofé

Vekeslister

Årslister

Salstrofé

John Schneider-versjonen

Lister

Andre versjonar

Kjelder

Wikiwand - on