Ivan Neville

Ivan Neville (fødd 19. august 1959) er ein USA-amerikansk multi-instrumentalist, songar og låtskrivar. Han er son av Aaron Neville og nevø av medlemmane i The Neville Brothers.^[1][2][3]

Ivan Neville
Neville på Bourbon Street Fest i 2005
Fødd	19. august 1959 (65 år)
Fødestad	New Orleans i USA
Opphav	USA
Aktiv	Sidan 1983
Sjanger	R&B, new wave, house
Instrument	vokal, klaviatur
Tilknytte artistar	Neville Brothers Keith Richards The Insects Rufus Dumpstaphunk Spin Doctors Ani DiFranco
Plateselskap	Polydor Iguana Records Uptop Entertainment Compendia Records
Verka som	Musikar
Far	Aaron Neville

Han har gjeve ut fire soloalbum og hatt ein hit i USA med den første singelen sin, «Not Just Another Girl».^[4] Denne nådde 26. plassen på Billboard-lista.^[5]

Neville har spelt på fleire av innspelingane til Neville Brother, i tillegg til faren sine soloplater. Han spelte med Bonnie Raitt frå 1985 til 1987, inkludert albumet Nine Lives. Han spelte òg klaverinstrument på to Rolling Stones-album, Dirty Work i 1986 og Voodoo Lounge i 1994, i tillegg til bandet til Keith Richards, The X-Pensive Winos.^[6]

Han har i tillegg spelt med artistar som Don Henley, Bonnie Raitt, Robbie Robertson, Rufus, Paula Abdul og Delbert McClinton, og var medlem av Spin Doctors.

I 2003 skipa han sitt eige band, Dumpstaphunk^[7] og spelte mellom anna på Late Show with David Letterman.

Solodiskografi

• If My Ancestors Could See Me Now (1988)
• Thanks (1994)
• Saturday Morning Music (2002)
• Scrape (2004)