Jegihorn

Jegihorn er eit 3 206 meter høgt fjell i Wallis-Alpane. Fjellet reiser seg ovan for Saas-Grund på austsida av Saastal. Fjellet er det vestlegaste i fjellrekka Jegigrat, som i aust-nordaustleg retning går over i vestsida av Fletschhorn.

Jegihorn
fjell
Jegihorn sett frå søraust, frå 'Weissmieshütte'
Land	Sveits
Fjellkjede	Wallis-Alpane
Høgd	3 206 moh.
Koordinatar	46°9′6″N 7°58′13″E
Jegihorn 46.151666666667°N 7.9702777777778°E / 46.151666666667; 7.9702777777778
Kart som viser Jegihorn. Kart som viser Jegihorn.
Wikimedia Commons: Jegihorn

Utgangspunkt for ein topptur er Weissmieshütte (2 726 m).

Frå toppen er det eit vidt utsyn til dei over firetusen meter høge toppane i fjellmassivet Mischabel. Samstundes har ein godt utsyn til oppstigingsrutene på dei meir nærliggjande toppane Fletschhorn, Lagginhorn og Weissmies.

Ruter til topps

Normalruta går opp sørsida av Jegihorn, og er for det meste merka og mogleg å gå for øvde fjellfolk. Frå Weißmieshütte kan ein rekne med å bruke eit par timar til fjelltoppen.

I år 2000 vart det opparbeidd ein klatrestig på Jegihorn. Den såkalla panoramaklatrestigen høyrer til dei høgstliggjande slike i Alpane.

Kjelder

• Denne artikkelen bygger på «Jegihorn» frå Wikipedia på tysk, den 21. mars 2010.

Bakgrunnsstoff

• Turskildring Arkivert 2007-09-28 ved Wayback Machine.
• Panorama frå Jegihorn på gipfelderschweiz.ch