Jim Fielder

Jim Fielder (fødd 4. oktober 1947 i Denton i Texas) er ein amerikansk bassist, mest kjend for å vere ein av dei originale medlemmane i Blood, Sweat & Tears.

Jim Fielder
Fødd	4. oktober 1947 (77 år)
Fødestad	Denton
Opphav	USA
Sjanger	rock, jazz, eksperimentell rock, jazzrock
Instrument	bassgitar, gitar
Verka som	musikar, gitarist, komponist

Fielder gjekk på Loara High School i Anaheim i California. Medan han var ved Loara, vart den unge Fielder ven med klassekameratane Tim Buckley og Larry Beckett, eit venskap som fekk Fielder inn i musikkindustrien.^[1] Før han vart med i BS&T arbeidde han med Buckley, og spelte i fleire andre kjende band som Mastin & Brewer med Mike Brewer og Billy Mundi, The Mothers of Invention og Buffalo Springfield.

Etter han slutta i BS&T, arbeidde Fielder mykje som studiomusikar. Han har ofte spelt i bandet til Neil Sedaka.

Diskografi

Alle albuma er med Blood, Sweat & Tears utanom der andre er nemnde.

• Absolutely Free (1966) – med The Mothers of Invention
• Buffalo Springfield Again (1967) – med Buffalo Springfield på «Everydays»
• Child Is Father to the Man (1968) – RIAA gullplate, #47
• Tell It Like It Is (A&M/CTI, 1969) – med George Benson
• Blood, Sweat & Tears (1968) – Grammyprisen for årets album i 1970, RIAA 4 x platinaplate, førsteplass i USA
• Blood, Sweat & Tears 3 (1970) – RIAA gullplate, #1
• Blood, Sweat & Tears 4 (1971) – RIAA gullplate, #10
• New Blood (1972) – #32
• No Sweat (1973) – #72
• What Goes Up! The Best of Blood, Sweat & Tears (1995)