Jorge Llopart

Jorge Llopart Ribas, katalansk; Jordi Llopart Ribas (5. mai 1952–11. november 2020) var ein spansk kappgjengar frå El Prat de Llobregat i Katalonia som spesialiserte seg på 50 km. Han vart europameister på distansen i 1978 og vann OL-sølv i same i 1980.

Jorge Llopart
Statsborgarskap	Spania
Fødd	5. mai 1952 El Prat de Llobregat
Død	11. november 2020 (68 år) Badalona
Idrett	friidrett
Tok del i	Sommar-OL 1988, Sommar-OL 1984, Sommar-OL 1980
Utmerkingar	Ordenen for sportsfortjenester, Silver Olympic Order

Aktiv

Llopart gjekk heilt til topps då han i 1978 gjorde sin internasjonale meisterskapsdebut i Praha-EM. Han vann ein klar siger på 50 km, halvtanna minutt føre favoritten, Sovjetunionens Venjamin Soldatenko. Året etter presterte Llopart sin livsrekord på distansen då han 26. august vann ei tevling i Reus i Katalonia etter 3.44.33 tids gange. Under dei olympiske sommarleikane i Moskva i 1980 sikra han seg sølvmedaljen, frågått med to minuttar av Hartwig Gauder frå Aust-Tyskland. Sidan makta ikkje Llopart å vinne medaljar i dei store meisterskapane. Han kom på sjetteplass i EM 1982, sjuandeplass i Sommar-OL 1984 og vart niandemann i EM 1986.

Medaljar og plasseringar i internasjonale meisterskap

• EM 1978 i Praha: Gullmedalje på 50 km – 3.53.29, framom Venjamin Soldatenko (3.55.12)
• OL 1980 i Moskva: Sølvmedalje på 50 km – 3.51.25, bakom Hartwig Gauder (3.49.24)
• EM 1982 i Aten: Nr 6 på 50 km – 4.08.28
• VM 1983 i Helsinki: Nr 28 på 20 km – 1.27.49. Braut 50 km
• OL 1984 i Los Angeles: Nr 7 på 50 km – 4.03.09
• EM 1986 i Stuttgart: Nr 9 på 50 km – 3.52.12
• VM 1987 i Roma: Diskvalifisert på 50 km
• OL 1988 i Seoul: Nr 13 på 50 km – 3.48.09
• EM 1990 i Split: Braut 50 km
• VM 1991 i Tokyo: Nr 17 på km – 4.16.36

Kjelder

• Denne artikkelen bygger på «Jorge Llopart» frå Wikipedia på tysk, den 21. juni 2019.

• «Jorge Llopart» (på engelsk). Olympedia. Henta 10. mars 2023.