Kannada

Kannada, òg stundom kalla kanaresisk,^[1] er eit dravidisk språk. Det blir tala av rundt 35 millionar menneske, hovudsakleg i den indiske delstaten Karnataka, der det er offisielt språk. Det finst også mange talarar i nabodelstatane Andhra Pradesh, Tamil Nadu og Maharashtra.^[2]

Denne artikkelen handlar om språket. For landet med liknande namn, sjå Canada.

Kannada kannaḍa
Klassifisering	dravidiske språk
Bruk
Tala i	India
Område	Karnataka, Andhra Pradesh, Tamil Nadu, Maharashtra
Kannadatalande i alt	Ca. 35 millionar
Skriftsystem	kannada-alfabetet
Offisiell status
Offisielt språk i	Karnataka
Språkkodar
ISO 639-1	kn
ISO 639-2	kan
ISO 639-3	kan
Wikipedia på kannada

Kannada blir skrive med si eiga skrift, kannada-alfabetet. Dette blei utvikla frå kadambiskrift som igjen stammar frå brahmi, opphavet til ei rekkje indiske skrifttypar. Teluguskrift liknar mykje på kannadaskrift.^[2]

Fonologi

Konsonantfonem i kannada

		labial	dental	retrofleks	palatal	velar
Plosiv	ust. uasp.	p	t̪	ʈ	ʧ	k
	ust. asp.	pʰ	t̪ʰ	ʈʰ	ʧʰ	kʰ
	st. uasp.	b	d̪	ɖ	ʤ	g
	st. asp.	bʱ	d̪ʱ	ɖʱ	ʤʱ	gʱ
Frikativ	ust.	( f )	s	ʂ	ɕ	h
	st.		( z )
Nasal		m	n̪	ɳ	( ɲ )	( ŋ )
Lateral			l	ɭ
Halvvokal		ʋ			j
Tap			r

Kannada har eit klassisk femvokalsystem, der kvar vokal kan vere kort eller lang.

Vokalfonem i Kannada

	Fremre		Midtre		Bakre
	kort	lang	kort	lang	kort	lang
lukka	i	iː			u	uː
halvopen	e	eː			o	oː
open			ʌ	aː