Katrine Bomstad

Katrine Bomstad (fødd 3. februar 1963) er ein norsk tidlegare symjar frå Narvik.^[1] I tida 1981-85 vann ho 12 gullmedaljar i noregsmeisterskap på langbane og 1979-85 like mange på kortbane. Ved NM i symjing 1981 vart ho tildelt kongepokalen. Ho kom på femteplass i 400 meter medley under europameisterskapen i Split i 1981. Under Sommar-OL 1984 i Los Angeles i 1984 enda ho på åttandeplassen i begge medley-øvingane. I løpet av sine år som aktiv sette ho 14 norske rekordar.

Bomstad er fødd i Narvik og voks opp i Husnes og seinare Skien. På seniornivå representerte ho Larvik Svømmeklubb til 1982, deretter 1983-85 Idrettslaget Varg frå Oslo, før ho gjekk tilbake til Larvik SK.