Kokospalme

Kokospalme (Cocos nucifera) er ein palmeart kjend for å produsera kokosnøtter. Kokospalmen stammar frå Malaysia og Polynesia, men har spreidd seg til heile det tropiske området, delvis naturleg og delvis med menneskehjelp.

Kokospalme
Kokospalme
Systematikk
Rike:	Planteriket Plantae
Orden:	Palmeordenen Arecales
Familie:	Palmefamilien Arecaceae
Underfamilie:	Arecoideae
Stamme:	Cocoseae
Understamme:	Butiinae
Slekt:	Cocos
Art:	Kokospalme C. nucifera
Vitskapleg namn
Cocos nucifera L., 1753

Palmen kan bli opptil 25 m høg og har ein rik dusk av 2–3 meter lange fjøra blad på toppen av den slanke, ugreina stammen. Frå treet er 5 år ber det blomar og frukter, som sit i bladhjørnene. Blomsterstanden er ein greine kolbe der hannblomane sit i greinspissane medan eit fåtal hoblomar sit ved grunnen. Eit fullvakse tre gjev 5–10 frukter kvar månad.

Plansjeteikning frå 1800-talet av kokosnøtt og palme.

Ulike produkt frå kokosnøtt, blad og stammen er særs viktige i mange kulturar. Dei blir brukte som næringsmiddel, materiale og som indsutriråvare, i form av mellom anna kokosfeitt, kokosfiber og kokosmasse.

Kokospalmen er ein saltplante som kan vatnast med havvatn og elles krev tilførsel av klor og natrium. Ofte dyrkar ein plamen saman med andre vekstar som ananas, mais, solsikke, kaffi, kakao, banan og sitrusfrukt.