Lady Madonna

«Lady Madonna» er ein song av The Beatles tilskriven Lennon/McCartney. I mars 1968 vart songen gjeven ut som singel med «The Inner Light» som B-side. Songen vart spelt inn i Abbey Road Studios frå 3. til 6. februar 1968 før the Beatles reiste til India. Singelen var den siste bandet gav ut på Parlophone i Storbritannia, der han gjekk til førsteplassen og av Capitol Records i USA, der han nådde fjerdeplasen. Alle seinare utgjevingar av The Beatles vart gjeve ut på deira eige Apple Records, distribuert av EMI. I Noreg nådde songen andreplass på VG-lista, berre slått av Anna-Lena Löfgren og hennar «Lyckliga gatan» Songen låg 8 veker på Topp 10.

Lady Madonna Singel av The Beatles
B-side	«The Inner Light»
Språk	engelsk
Utgjeve	15. mars 1968
Innspelt	3. og 6. februar 1968, EMI Studios i London
Sjanger	Rock and roll,[1] rhythm and blues
Lengd	2:16
Selskap	Parlophone (UK) Capitol (US)
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon–McCartney
Produsent	George Martin
The Beatles-kronologi
«Hello, Goodbye» (1967)	Lady Madonna	«Hey Jude» (1968)

Inspirasjon

Pianospelinga på songen var inspirert av pianisten Fats Domino frå 1950-åra. McCartney fortel at han prøvde å skrive ei blues-aktig boogie-woogie-sak og at det minte han om Fats Domino^[2] Domino sjølv spelte inn ei utgåve av songen i 1968.

Songen, og særleg introduksjonen, er ganske lik Humphrey Lyttelton sin «Bad Penny Blues» frå 1956.^[3] John Lennon medverka til teksten.^[4]

Saksofonsolo

Saksofonsoloen vart spelt av den britiske jazzmusikaren og klubbeigaren Ronnie Scott. I miksen som vart nytta på singelen er soloen nesten borte, men på utgåver på samleplater er soloen mykje tydlegare.^[5]

Medverkande

I følgje Ian MacDonald:^[6]

The Beatles

• Paul McCartney – solovokal, piano, bass, klapping
• John Lennon – korvokal, sologitar, klapping
• George Harrison – korvokal, sologitar, klapping
• Ringo Starr – trommer, trommer med visp, klapping

Andre musikarar og produksjon

• Ronnie Scott – tenorsaksofon
• Bill Povey – tenorsaksofon
• Harry Klein – barytonsaksofon
• Bill Jackman – barytonsaksofon
• George Martin – produksjon
• Ken Scott – lydteknikaring
• Geoff Emerick – lydteknikar

Salslister og salstrofé

Vekeslister Liste (1968) Plassering Australske Go-Set National Top 40[7] 1 Den austerrikske singellista[8] 1 Den belgiske singellista[9] 3 Kanadiske RPM 100[10] 2 Den nederlandske singellista[11] 1 Irish Singles Chart[12] 3 New Zealand Listener Chart[13] 1 Norske VG-lista[14] 2 Svenske Kvällstoppen[15] 1 Sveitsiske Hitparade[16] 1 UK Record Retailer Chart[17] 1 US Billboard Hot 100[18] 4 Vesttyske Musikmarkt Hit-Parade[19] 2

Årslister Liste (1968) Passering Australske Go-Set Singles[20] 32 Den austerrikske singellista[21] 3 Den belgiske singellista[22] 31 Kanadiske RPM-lista[23] 19 Den nederlandske singellista[24] 45 Sveits[25] 4 US Billboard 60 Salstrofé Region Salstrofé Salstal USA (RIAA)[26] Platina 2 000 000^ *salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine

Andre versjonar

Fleire andre artistar har spelt songen, anten på plate eller på konsertar, mellom anna Fats Domino, Phoenix, Steve Miller Band, Lenny White, Øystein Sunde og Aretha Franklin,

Bakgrunnsstoff

• Alan W. Pollack om «Lady Madonna»