Leucophaeus

Leucophaeus er ei biologisk slekt av fire mellomstore måsar og ein mindre art, franklinmåse. Alle lever i «den nye verda», og dei fleste er mørke i fjørdrakta, vanlegvis med kvite halvringar over og under auga. Dei vart plasserte i slekta Larus inntil nyleg.^[1] Slektsnavnet Leucophaeus kjem frå gammalgresk leukos, «kvit», og phaios, «mørk».^[2]

Leucophaeus
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Vade-, måse- og alkefuglar Charadriiformes
Underorden:	Lari
Familie:	Måsefamilien Laridae
Slekt:	Leucophaeus Bruch, 1853

Lavamåsen, som lever ved Galápagosøyane, er på raudlista i kategorien sårbar, VU.^[3] Dei andre artane er vurderte som livskraftige.

Artslista

Medlemmer av Leucophaeus i rekkjefølgje etter IOC World Bird List v15.1, 2025,^[4] med norske artsnamn etter Norske navn på verdens fugler.^[5]

Bilete	Norsk namn	Vitskapleg namn	Utbreiing	Utbreiingskart
	Ørkenmåse	Leucophaeus modestus	Lever langs kystar av sørlegaste Ecuador, langs Peru og Chile, hekkar i ørkenen i nordlegaste Chile[6]
	Magellanmåse	Leucophaeus scoresbii	Lever langs kysten av sørlegaste Sør-Amerika frå omtrent Chiloéøya til Punta Tombo i Chubutprovinsen, Argentina dessutan ved Falklandsøyane[7]
	Lattermåse	Leucophaeus atricilla	Stillehavskysten frå Californiahalvøya til nordlege Chile og vestover til Galápagosøyane, over store delar av Mexico, Karibia sør til kysten av nordlege Brasil. Hekkar langs atlanterhavskysten av USA, kysten av Mexicogolfen, Karibia og i Californiabukta[8]
	Franklinmåse	Leucophaeus pipixcan	Hekkar i det indre Canada: Alberta, Saskatchewan og Manitoba, dessutan i USA (Montana og Dakota), overvintrar langs stillehavskysten av Sør-Amerika frå Ecuador til omtrent Chiloéøya i Chile, dessutan fåtalig i sentrale Argentina[9]
	Lavamåse	Leucophaeus fuliginosus	Endemisk for Galápagosøyane[3]