Mafraq
From Wikipedia, the free encyclopedia
Remove ads
Mafraq (arabisk المفرق, Al-Mafraq, lokale dialektar: Mafrag eller Mafra' , «krossvegar») er ein by og det administrative senteret i Mafraq guvernement i Jordan, 80 km nord for hovudstaden Amman nær Syria i nord og Irak i aust. Han hadde 58 954 innbyggjarar i 2000.
- Denne artikkelen handlar om byen i Jordan. For landsbyen i Saudi-Arabia, sjå Mafraq i Saudi-Arabia.
Remove ads
Remove ads
Historie
Mafraq vart først busett på 300-talet fvt. Han ligg kring 17 km vest for den historiske nabateisk og bysantinske byen Umm el-Jimal, som vart bygd i det første hundreåret evt. Byen vart viktig etter opprettinga av Hejazbanen mellom Istanbul og Medina. Det låg òg ein britisk militærbase og flyplass tidleg på 1900-talet i Mafraq. Han vart seinare base for den arabiske legionen under den arabisk-israelske krigen i 1948.
Mafraq er hovudstaden i Mafraq guvernement og hovudkvarteret til den tredje divisjonen av den jordanske hæren. King Hussein Air College og ein flybase for det kongelege jordanske luftforsvaret ligg òg i byen.
Remove ads
Geografi
Mafraq ligg nord i Jordan ved grendsa mellom Hauran-platået og Den syriske ørkenen, kring 80 km i nord from Amman. Han er det administrative senteret og den største byen i Mafraq guvernement. Byen ligg nær dei tre store byane Amman i sør, Irbid i vest og Damaskus i nord.
Samferdsle
Den internasjonale hovudvegen mellom Damaskus og Riyadh går gjennom byen. Mafraq har ein jernbanestasjon på det nasjonale jernbanenettverket.
Utdanning
Al al-Bayt universitet er det einaste universitetet i byen. Det vart grunnlagd i 1992 og ligg søraust, i utkanten av byen.[2]
Kjelder
Bakgrunnsstoff
Wikiwand - on
Seamless Wikipedia browsing. On steroids.
Remove ads