Magic Dance

«Magic Dance» (òg kjend som «Dance Magic») er ein song skriven og spelt inn av David Bowie for Jim Henson-filmen Labyrinth. Han vart gjeven ut som ein singel i avgrensa marknader i januar 1987. Då Bowie døydde i 2016 nådde singelversjonen av «Magic Dance» 63. plassen på iTunes-lista i Storbritannia.^[3]

Magic Dance Singel av David Bowie frå albumet Labyrinth
B-side	Within You
Utgjeve	Januar 1987[1]
Innspelt	1985
Sjanger	Synth-pop Poprock[2]
Lengd	5:13 (album) 4:00 (singel)
Selskap	EMI America V-19217
Låtskrivar(ar)	David Bowie
Produsent	David Bowie Arif Mardin
David Bowie-kronologi
«When the Wind Blows» (1986)	Magic Dance	«Day-In Day-Out» (1987)

Detaljar og bakgrunn

Bowie skreiv og spelte inn fem songar for Labyrinth, der han òg spelte rolla som Jareth, kongen over nissane.^[4] «Magic Dance» vart skriven for ein scene der Jareth og nissane hans underheld eit gråtande barn som har blitt ønskt bort av heltinna i filmen, Sarah Williams. I filmen framfører Bowie songen med Toby Froud som babyen og 50 dokker og 12 statistar i kostyme som nissar.^[5]

Songen er skildra som «ein enkel dansesong som er driven av elektrisk bass og empatiske trommer»,^[6] Teksten til «Magic Dance» referer til filmen The Bachelor and the Bobby-Soxer frå 1947 med Cary Grant og Shirley Temple, der dei to har eit kall-og-svar-vers: «You remind me of a man.» «What man?» «The man with the power.» «What power?» «The power of hoodoo.» «Who do?» «You do!». I «Magic Dance» er «man» erstatta med «babe» og «hoodoo» med «voodoo».^[6]

Bowie framførte babygurglinga i songen, sidan babyen til korsongaren Diva Gray, som var meint å lage lyden, ikkje ville gurgle i mikrofonen.^[1][6] Under produksjonen av filmen og mot under rulleteksten vert songen kalla «Dance Magic.»^[1]

Utgjeving

«Magic Dance» er det tredje sporet på Labyrinth, gjeve ut i juli 1986 i samband med filmpremieren i USA.^[7] I 1987 vart songen gjeven ut på ein 12"-singel i somme marknader i USA. Ein singelversjon vart miksa, men aldri gjeven ut, og ein versjon av «Dance Mix» (feilaktig kalla «single mix») kom ut i New Zealand på Best of Bowie (2002).^[1] Singelen kom ikkje ut i Storbritannia før han vart tilgjengeleg digitalt tidleg i 2007.

Mottaking

I 1986 nådde «Magic Dance» 40. plassen i New Zealand.^[8] Då Bowie døydde i 2016 var «Magic Dance» den 19. bestseljande Bowie-songen for digital nedlasting i Storbritannia.^[9]

BBC America kalla «Magic Dance» «ein av dei mest leikne og undervurderte Bowie-songane»,^[10] medan Vice-skribenten Kamila Rymajdo rekna han som «kanskje den mest gledelege songen om magi nokon gong».^[11] David Brusie i The A.V. Club kalla songen «smittsam dum», og skreiv at han har ein «manisk energi».^[12] Cheryl Eddy skreiv for Gizmodo at songen var ein «evig riv-ned-klubben-fantasi-jam».^[13] «Magic Dance» vart rangert på tredjeplassen på ei liste over dei 10 beste David Bowie-songane brukt i film av Ben Sherlock i Screen Rant som meinte det var den beste Bowie-songen frå Labyrinth og at han «framleis har høvet til å gjenopplive ein døyande fest meir enn 30 år seinare.»^[14]

Somme kritikarar har sett likskapar mellom «Magic Dance» og den tidlegare Bowie-songen «The Laughing Gnome», sidan begge er bygde kring tradisjonelle barneregler og inneheld komiske nisse-stemmer.^[1][15]

Innhald

12": EMI America / V-19217 (USA)

1. «Magic Dance» (A Dance Mix) – 7:06
2. «Magic Dance» (Dub) – 5:22
3. «Within You» – 3:28

Digitalt: EMI / i19217 (USA)

1. «Magic Dance» (singelversjon/7" Remix) – 4:00
2. «Magic Dance» (12" Remix/Dance Mix) – 7:16
3. «Magic Dance» (Dub) – 5:31
4. «Magic Dance» (7" Remix) – 4:39

Medverkande

• David Bowie – vokal, korvokal, produsent
• Arif Mardin – produsent
• Dann Huff – gitar
• Will Lee – ekstra bass, korvokal
• Steve Ferrone – trommer
• Robbie Buchanan – klaverinstrument, synthesizer, arrangement
• Diva Gray - korvokal
• Fonzi Thornton – korvokal