Massif Central

Massif Central er eit stort fjellmassiv i dei sentrale og sørlege delane av Frankrike. Området var tidlegare vulkansk aktivt, men det har ikkje vore nokre utbrot her på 5 000 år. Mellom Massif Central og Alpane ligg ein djup dal frå nord til sør danna av elva Rhône, på fransk òg kalla sillon rhodanien («fura til Rhône»).

Frankrike. Massif Central er synleg som ein stor raudaktig masse i dei sentrale og sørlege delane av landet. På den søraustlege grensa til Italia ligg Alpane, og i sørvest langs grensa til Spania ligg Pyreneane.

Massif Central i Frankrike

Massif Central var lenge ei transporthindring, men etter at motorvegen A75 opna har det både opna opp Massif Central og gjort det enklare å kome seg frå nord til sør.

Administrasjon

Dei følgjande departementa vert hovudsakleg rekna som ein del av Massif Central: Allier, Ardèche, Aveyron, Cantal, Corrèze, Creuse, Haute-Loire, Haute-Vienne, Loire, Lot, Lozère og Puy-de-Dôme.

Dei følgjande regionane vert rekna som ein del av Massif Central: Auvergne, Limousin, medan Languedoc-Roussillon, Midi-Pyrénées og Rhône-Alpes delvis dekkjer området.

Dei største byane er Clermont-Ferrand og Saint-Étienne.

Fjell

Fjell i Massif Central (om lag frå nord til sør)

• Chaîne des Puys
  • Puy de Dôme (1 464 m)
  • Puy de Pariou (1 210 m)
  • Puy de Lassolas (1 187 m) og Puy de la Vache (1 167 m)
• Monts-Dores
  • Puy de Sancy (1 886 m)
• Le Cantal
  • Plomb du Cantal (1 855 m)
  • Puy Mary (1 787 m)
• L'Aubrac
• Cevennane
  • Mont Lozère (1 702 m), den høgaste ikkje-vulkanske toppen
  • Mont Aigoual (1 567 m), nær Le Vigan

Platå

• Larzac
• Plateau de Millevaches

Bakgrunnsstoff