Matamata

Matamata er ein småby i regionen Waikato på Nordøya på New Zealand. Det totale folketalet i området ligg kring 12 000 menneske, der den eine halvdelen bur i byen, den andre ute på bygda. Byen ligg nær høgdedraget Kaimai Ranges, og i eit blømande landbruksområde som er kjent for oppdrett av fullblodshestar. Han er ein del av distriktet Matamata Piako, som omfattar dei omgjevande landdistrikta så vel som tettstadane Morrinsville og Te Aroha.

Matamata
Frå «Hobbiton»-området Frå «Hobbiton»-området
Land Region	New Zealand Waikato
Flatevidd	6,16 km²
Innbyggjarar  • By (30. juni 2018; 6. mars 2018; 30. juni 2020)	7 910,[1] 7 806,[2] 8 460[3]
Koordinatar	37°49′0″S 175°46′0″E
Høgd	63, 67 m
Tidssone	NZST (UTC+12)

Riksvegen State Highway 27 og jarnvegssidelinja Kinleith Branch railway går gjennom byen.

Hobbiton

Ein nærliggjande gard vart nytta som staden «Hobbiton» i Peter Jackson sin filmtriologi The Lord of the Rings, og eit «Velkomen til Hobbiton»-skilt er no sett opp ved hovudvegen. Ved eit merkeleg tilfelle er den einaste andre byen i verda med same namn — Matamata i Tunisia — nytta ved innspelinga av George Lucas sin filmserie Star Wars.

Media

Matamata er òg sete for ulike mediakanalar, mellom desse fjernsynskanalane tvCentral, TV Rotorua og iTV Live, noko som er uvanleg for ein by av denne storleiken.

Andre tettstader i Matamata-området

• Hinuera
• Peria
• Turanga-o-moana
• Te Poi
• Waharoa
• Walton
• Wardville

Kjelder

• Denne artikkelen bygger på «Matamata» frå Wikipedia på engelsk, den 19. juni 2008.