Mike Howlett

Michael John Gilmour Howlett (fødd 27. april 1950) er ein fijiansk musikar og prisvinnande produsent og lærar med base i Storbritannia og Australia.

Mike Howlett
Steve Hillage Band (19. juni 2009), frå venstre: Miquette Giraudy (klaverinstrument), Steve Hillage (gitar), Chris Taylor (trommer) og Mike Howlett (bass).
Fødd	27. april 1950 (75 år)
Fødestad	Lautoka på Fiji
Fødenamn	Michael John Gilmour Howlett
Alias	Mister T. Being
Opphav	Sydney
Sjanger	Progressiv rock, new wave
Instrument	bassgitar
Tilknytte artistar	The Affair, Gong, Strontium 90
Verka som	Produsent, musikar

Seint i 1960-åra var Howlett bassist i det australske popbandet The Affair. Gruppa reiste til England etterr rå ha vunne Hoadley's Battle of the Sounds og Howlett slo seg ned i London. I 1973 vart han med i den britiske progressiv rock-gruppa Gong, der han vart verande til 1977.

Etter Gong skipa Howlett det kortvarige bandet Strontium 90, som bestod av han sjølv, Sting, Stewart Copeland og Andy Summers.^[1] Howlett var frontmann i bandet, som vart oppløyst då Summer slutta for å bli med Copeland og Sting i eit anna prosjekt, The Police.

Nokre månader etter Strontium 90 var oppløyst, fekk Howlett saman studiobandet The Radio Actors, med Gong-kompisen Steve Hillage på sologitar og Sting på solovokal.^[2] Bandet gav berre ut ein singel, ,«Nuclear Waste» med «Digital Love», som kom ut på CD i 1995.

I 1980-åra vart Howlett ein etterspurt produsent. Han produserte mange hitsinglar og album for leiande new wave-artistar som A Flock of Seagulls, The Alarm, China Crisis, Martha & the Muffins, Orchestral Manoeuvres in the Dark, Stephen Duffy, Gang of Four og Comsat Angels. Han produserte òg albumet Secret Secrets for Joan Armatrading i 1985.

Howlet var stundom med i Gong på ymse konsertar kring i verda. I 1993 starta han sitt eige plateselskap, Mauve, som gav ut album av Rafa Russo, Debbie Cassell og Jay Fisher. Frå 2005 til 2009 var Howlett styreformann i The Music Producers Guild (MPG).^[3]

Howlett tok doktorgrad i musikkproduksjon i 2009 og har halde foredrag i musikkteknologi ved fleire universitet.^[3] I 2009 vart han leiar for musikkavdelinga til Queensland University of Technology i Brisbane i Australia.^[4]

Produsent

Fischer-Z Word Salad (1979); Going Deaf for a Living (1980) Punishment of Luxury Laughing Academy (1979) Martha & The Muffins «Insect Love» (1979); Metro Music (1979); «Echo Beach» (1980); Trance and Dance (1980) The Revillos Rev Up (Snatzo/Dindisc, 1980) The Teardrop Explodes «When I Dream» (1980) Orchestral Manoeuvres in the Dark «Messages» (1980); «Enola Gay» (1980); «Souvenir» (1981) Sniff 'n' the Tears Love/Action (1981); Ride Blue Divide (1982) Thompson Twins «Perfect Game» og «Politics» from A Product of ... (1981) Any Trouble Wheels in Motion (Stiff, 1981) Tears for Fears «Pale Shelter» (1982) Gang of Four Songs of the Free (1982)

Blancmange Happy Families (1982); «Living On The Ceiling» (1982) A Flock of Seagulls A Flock of Seagulls (1982); Listen (1983); The Story of a Young Heart (1984) Hunters & Collectors Hunters & Collectors (1982); Payload (EP, 1982) Comsat Angels Land (1983); 7 Day Weekend (1985, ikkje alle songane) China Crisis Working with Fire and Steel – Possible Pop Songs Volume Two (1983) John Foxx «Twilight's Last Gleaming» from The Golden Section (1983) Berlin Love Life (1984, not all songs) Joan Armatrading Secret Secrets (1985) The Alarm Strength (1985) The Ward Brothers Madness of It All (1986, ikkje alle songane) TV21 All Join Hands (1982)