Miracle

«Miracle» (engelsk for 'Mirakel') er ein song av Paula Seling & Ovi, gjeven ut 15. januar 2014. Songen er skriven av Phillip Halloun, Ovidiu Cernăuţeanu, Victor Forberg Skogberg og Frida Amundsen, og produsert av Beyond51 i Oslo i Noreg.^[1][2]

«Miracle»
Eurovision Song Contest 2014
Land	Romania
Artist(ar)	Paula Seling og Ovidiu Cernăuţeanu
Alias	Paula Seling & Ovi
Språk	Engelsk
Komponist(ar)	Phillip Halloun, Ovidiu Cernăuţeanu, Victor Forberg Skogberg og Frida Amundsen
Låtskrivar(ar)	Phillip Halloun, Ovidiu Cernăuţeanu og Frida Amundsen
Resultat
Romania i Eurovision Song Contest
«It's My Life» (2013) «Miracle»

Eurovision

Selecția Națională 2014

«Miracle» vart vald ut av Societatea Românǎ de Televiziune til å delta i Selecția Națională 2014, den rumenske uttakinga til Eurovision Song Contest 2014 i København i Danmark. Songen var framført på engelsk av Paula Seling og Ovidiu Cernăuţeanu under aliaset Paula Seling & Ovi. Cernăuţeanu skreiv «Miracle» saman med Phillip Halloun, Victor Forberg Skogberg og Frida Amundsen. Bidraget vann tevlinga med 22 poeng; tolv frå juryen og ti frå fjernsynssjåarane.^[3][4]

Etter sigeren i Selecția Națională 2014 vart det klårt at «Miracle» vil representere Romania i Eurovision Song Contest 2014. Songen vil verte framført på engelsk av Paula Seling & Ovi. Romania vil delta i den andre semifinalen og må enda på mellom dei ti beste for å gå vidare til finalen.

Sporliste

• Digital nedlasting^[5]

1. "Miracle" (Single version) – 3:03
2. "Miracle" 2014 (Original Radio Edit) – 3:04