Misfits

Misfits er det 16. studioalbumet til den engelske rockegruppa The Kinks, gjeve ut i 1978. Det kom ut etter at Sleepwalker hadde hatt ein viss suksess i USA og bestod av ein meir rockeprega stil enn mange av Kinks-platene frå 1970-åra. Trass i indre konfliktar i bandet, som førte til at både bassisten Andy Pyle og pianisten John Gosling slutta i bandet, nådde albumet Topp 40 i Amerika. Albumet inneheld den mindre hitsingelen «A Rock 'n' Roll Fantasy», og dei mindre suksessrike singlane «Live Life» og «Black Messiah».

Misfits Studioalbum av The Kinks
Språk	engelsk
Utgjeve	19. mai 1978
Innspelt	Juli 1977 - januar 1978
Studio	Konk Studios i London
Sjanger	Rock
Lengd	40:29
Selskap	Arista
Produsent	Ray Davies
The Kinks-kronologi
Sleepwalker (1977)	Misfits	Low Budget (1979)
Singlar frå Misfits
«A Rock 'N' Roll Fantasy» Utgjeve: 19. mai 1978 «Live Life» Utgjeve: 14. juli 1978 «Black Messiah» Utgjeve: 29. september 1978 (Storbritannia)

Meldingar
Karakter
Kjelde	Karakter
Allmusic	[1]
Blender	[2]
Robert Christgau	B[3]
Rolling Stone	(positiv)[4]

Bakgrunn

Misfits var det andre albumet bandet spelte inn for Arista Records, etter dei byta selskap frå RCA Records i 1976. Sjølv om bandet hadde brukt ein god del av 1970-åra på å gje ut konseptalbum, signaliserte det førre albumet deira, Sleepwalker, eit skifte mot ein meir rockeprega og enklare stil. I tillegg byrja bandet å selje bra med plater att i USA og både albumet og tittelsporet gjekk inn på listene der.^[5] Etter innspelinga av Sleepwalker slutta bassisten John Dalton og vart erstatta med Andy Pyle. Under innspelinga av Misfits slutta både Pyle og pianisten i bandet, John Gosling.

Innspeling

Mange av songane på albumet, som «Hay Fever», «In a Foreign Land» og «Black Messiah», var songar som var til overs etter det førre albumet deira i 1977.^[6] «In a Foreign Land» var meint for det førre albumet, men seint i prosessen vart han erstatta med «Mr. Big Man».^[6]

Albumet vart spelt inn i Konk Studios i London etter ein uroleg turné i 1977.^[7] På grunn av konfliktar mellom Ray Davies og Pyle, slutta sistnemnde i bandet. Gosling ønskte òg å slutte i bandet etter at Dalton hadde slutta, og byrja å planlegge eit nytt band i lag med Pyle.^[8] Men då Ray Davies fekk nyss i prosjektet byrja han å blanda seg inn.^[8] Gosling fortalte, «Me [meg og Pyle] øvde og heldt prøvespelingar i Bridge House pub i Canning Town. Det var spanande, som å byrje på nytt. Men Ray fann ut av det og byrja å kjefte på meg siste gongen me var i studio for å legge fleire lydspor til Misfits.»^[8] Etter kvart slutta begge to. I tillegg vurderte den originale trommeslagaren Mick Avory å slutte, og vart ein mindre aktiv deltakar, og let venen til Dave Davies, Nick Trevisick, å spele trommer på fire songar og studiotrommisen Clem Cattini på «Live Life».^[9] Men Avory vart verande med bandet fram til 1984. Zaine Griff og Ron Lawrence spelte bass på nokre av songane.^[10]

Mottaking og utgjeving

Albumet gjekk ikkje inn på albumlista i Storbritannia, men nådde 40. plassen i USA.^[1][10] Den første singelen frå albumet, «A Rock 'n' Roll Fantasy», vart òg ein mindre hit i USA, der han nådde 30. plassen på lista.^[1] Oppfølgjarane «Live Life» og «Black Messiah» (den siste berre i Storbritannia), nådde ikkje singellistene.

Innhald

Alle spor skrivne av Ray Davies, utanom der andre er nemnde

Side ein

Nr.	Tittel	Lengd
1.	«Misfits»	4:41
2.	«Hay Fever»	3:32
3.	«Live Life»	3:49
4.	«A Rock 'n' Roll Fantasy»	4:58
5.	«In a Foreign Land»	3:03

Side to

Nr.	Tittel	Låtskrivar(ar)	Lengd
1.	«Permanent Waves»		3:47
2.	«Black Messiah»		4:08
3.	«Out of the Wardrobe»		3:35
4.	«Trust Your Heart»	Dave Davies	4:11
5.	«Get Up»		3:22

På den britiske LP-utgåva vart ein lengre versjon av «Live Life» (4:47) byta ut med «Black Messiah». På CD-utgåva har ein teke med den britiske LP-sporlista og inkludert den kortare «Live Life» som bonusspor (annleis enn den amerikanske versjonen). Arista gav ut ein CD-versjon med ti spor som har same innhald som den originale, ikkje-britiske LP-versjonen.

Nymastra CD

Nr.	Tittel	Låtskrivar(ar)	Lengd
1.	«Misfits»		4:42
2.	«Hay Fever»		3:33
3.	«Black Messiah»		4:08
4.	«A Rock & Roll Fantasy»		4:58
5.	«In a Foreign Land»		3:02
6.	«Permanent Waves»		3:48
7.	«Live Life»		4:47
8.	«Out of the Wardrobe»		3:37
9.	«Trust Your Heart»	Dave Davies	4:11
10.	«Get Up»		3:22

Bonusspor på CD-utgåva

Nr.	Tittel	Lengd
11.	«Black Messiah» (singelmiks)	3:37
12.	«Father Christmas»	3:42
13.	«A Rock & Roll Fantasy» (Amerikansk singelutgåve)	4:01
14.	«Live Life» (Amerikansk singelmiks)	3:47

Medverkande

The Kinks

• Ray Davies - vokal, gitar, piano, synthesizer
• Dave Davies - sologitar, vokal (solovokal på «Trust Your Heart»)
• Mick Avory - trommer, utanom der andre er nemnde
• Andy Pyle - bassgitar (utanom på «In a Foreign Land»)
• John Gosling - piano, orgel, synthesizer
• John Dalton - bassgitar på «In a Foreign Land»

Andre musikarar

• Ron Lawrence - bassgitar på «Live Life», «A Rock & Roll Fantasy» og «Get Up»
• Nick Trevisik - trommer på «Trust Your Heart», «A Rock & Roll Fantasy» og «Get Up»
• Zaine Griff - ekstra bassgitar
• Clem Cattini - ekstra trommer
• John Beecham - trombone på «Black Messiah»
• Nick Newall - klarinett på «Black Messiah»
• Mike Cotton - trompet på «Black Messiah»

Teknisk

• Raymond Douglas Davies - produsent
• Steve Waldman - lydteknikar
• James Wedge - fotografi