Amiata

Monte Amiata er eit fjell i Antiappenninane i Toscana i Italia med ei høgd på 1 738 meter over havet. Det ligg i provinsane Grosseto og Siena.

Monte Amiata
fjell
Land	Italia
Region	Toscana
Fjellkjede	Antiappenninane
Høgd	1 738 moh.
Koordinatar	42°53′17″N 11°37′22″E
Amiata 42.88775°N 11.624369444444°E / 42.88775; 11.624369444444
Wikimedia Commons: Monte Amiata

Amiata er ein gamal, utdøydd vulkan med vulkansk stein og små innsjøar. Vatn frå fjellet fyller Fiora-akvedukten, som gjev vatn til mykje av det sørlege Toscana og område nord i Lazio. Elvane Fiora og Albegna har sine utspring her, sistnemnde i Buceto, som er ein utstikkar sørvest for sjølve massivet.

Hovudnæringa i området er kastanjer, tømmer og i aukande grad turisme (skistader finst ved Prato delle Macinaie, Prato della Contessa, Rifugio Cantore og Pian della Marsiliana). I dei lågareliggande områda finn ein oliventre og vinranker. Annan vegetasjon er mellom anna bøk og furu. I antikken vart det utvunne sinober her.

Amiata omfattar kommunane Abbadia San Salvatore, Arcidosso, Castel del Piano, Piancastagnaio, Santa Fiora og Seggiano, alle i ei høgd på mellom 600 og 800 meter over havet.

Kjelder

• Denne artikkelen bygger på «Monte Amiata» frå Wikipedia på engelsk, den 13. november 2007.