Mustii

Thomas Mustin (fødd 21. november 1990 i Brussel), kjend under artistnamnet Mustii, er ein belgisk songar og skodespelar. Han er dommar i Drag Race Belgique, og representerte Belgia i Eurovision Song Contest 2024 i Malmö.

Mustii
Fødd	21. november 1990 (34 år)
Fødestad	Brussel
Alias	Mustii
Opphav	Belgia
Aktiv	2012–
Instrument	vokal
Plateselskap	Warner Music Group
Verka som	songar, skodespelar, teaterskodespelar
Prisar	Magritte-prisen for mest lovende mannlige skuespiller, D6bels Music Awards

Karriere

Mustin fullførte teaterstudia sine i 2012 ved Institut des Arts de Diffusion i Louvain-la-Neuve. Deretter deltok han på innspelingane av den franske TV-serien À tort ou à raison, som er regissert av Alain Brunard.^[1] I tillegg spela han rolla som Benvolio i ei teateroppsetjing av Romeo og Julie som var regissert av Yves Beaunesne.^[2] Oppsetjinga markerte opninga på det nye Théâtre de Liège.^[3]

I 2014 skreiv Mustin kontrakt med plateselskapet Black Gizah Records, og hans fyrste singel «The Golden Age» blei spelt jamleg på mange radiostasjonar i Flandern og Vallonia.^[4]

I desember 2016 blei Mustin nominert i seks ulike kategoriar på D6bels Music Awards, der han vann pris i ein av kategoriane.^{[treng kjelde]}

Den 30. august 2023 blei det offentleggjord at Mustin skulle representere Belgia i Eurovision Song Contest 2024.^[5] Den 20. februar 2024 blei bidraget han skulle delta med, «Before the Party’s Over», gjeve ut saman med ein tilhøyrande musikkvideo.^[6] Mustin og «Before the Party’s Over» deltok i den andre semifinalen torsdag 9. mai 2024. Der enda han på 13.-plass av 16 bidrag og kvalifiserte seg ikkje til finalen laurdag 11. mai.^[7]