Narrmarihandslekta

Narrmarihandslekta (Anacamptis) er ei slekt i orkidéfamilien (marihandfamilien) Orchidaceae.^[1]

Narrmarihandslekta
Salepsrot
Systematikk
Rike:	Planteriket
Klasse:	Einfrøblada
Orden:	Aspargesordenen
Familie:	Orkidéfamilien
Slekt:	Anacamptis
Artar i Noreg
narrmarihand (A. morio)
Vitskapleg namn
Anacamptis Rich.
Økologi
Utbreiing:	Europa, vestlege Asia, nordlege Afrika

Systematikk

På verdsbasis har narrmarihandslekta vore ei slekt med berre ein art, men eit titals artar som tidlegare var i vårmarihandslekta Orchis, er no flytta over hit.^[2][3][4][5] Berre ein art, narrmarihand, er representert i Noreg, medan eit par til er å finne elles i Norden.^[6][7][8]

Etymologi

Namnet Anacamptis kjem frå det greske verbet anakámpto (ανακάμπτω), som tyder å svinge opp eller bakover.

Artar

Artsdatabanken opererer med ein art i Noreg:^[6]

• narrmarihand (A. morio)

Arten er på Norsk raudliste for artar (2021) oppgradert frå sterkt truga til kritisk truga (CR).^[9]

I tillegg finst desse artane elles i Norden:

• myrmarihand (A. palustris), i Sverige (VU)^[7]
• salepsrot (A. pyramidalis), i Sverige (LC)^[7] og Danmark (VU)^[8]

På Dei britiske øyane finst òg:

• A. laxiflora, berre på Jersey og Guernsey^[10]

I Baltikum har ein art til vore registrert:

• A. coriophora, i Estland og kanskje i Litauen, men utdøydd båe stader^[11][12]