Niels Treschow

Niels Treschow (5. september 1751–22. september 1833)^[1] var ein norsk politikar og filosof som deltok ved stormannsmøtet på Eidsvoll.

Niels Treschow
Fødd	5. september 1751 Drammen kommune
Død	22. september 1833 Christiania
Nasjonalitet	Noreg
Område	filosofi
Yrke	professor, filosof, politikar, psykolog
Institusjonar	Københavns Universitet Universitetet i Oslo
Medlem	Kungliga Vetenskapsakademien Det Kongelige Norske Videnskabers Selskab Det Kongelige Danske Videnskabernes Selskab

Han vart privat dimittert til Universitetet i København i 1766 og fekk magistergraden i filosofi i 1774, etter å ha orientert seg i fleire naturvitskaplege og humanistiske disiplinar. Treschow var konrektor (viserektor) ved Throndhjems lærde Skole 1774–1780, rektor i Helsingør 1780–1789 og ved Christianias Latinskole 1789–1803.^[2] I 1803 vart han professor og arbeidde som filosofiprofessor i København. I 1813 vart han filosofiprofessor ved Universitetet i Christiania.

Treschow deltok ved stormannsmøtet på Eidsvoll 16. februar 1814.^[1] Han var medlem av den midlertidige komiteen som leia kyrkje- og undervisningsvesenet våren 1814, og møtte på det det overordna storting hausten 1814. Same år blei han utnemnd til statsråd og han leia Kyrkjedepartementet i fire periodar 1814–1816, 1817–1819, 1820–1822 og 1823–1825. Han var òg statsråd ved Statsrådsavdelinga i Stockholm.^[3]

Utmerkingar

Treschow var medlem av Det Kongelige Norske Videnskabers Selskab, av Kungliga Vetenskapsakademien og Det Kongelige Danske Videnskabernes Selskab. Han fekk kommandørkors av Nordstjerneordenen, riddarkors av Dannebrogordenen, var riddar av Karl XIIIs orden og innehavar av medaljen for borgardåd.^[1]