Ofotens og Vesteraalens Dampskibsselskab

Ofotens og Vesteraalens Dampskibsselskab (OVDS) var eit norsk reiarlag som blant anna opererte hurtigruter. Selskapet vart skipa ved fusjon av Vesteraalens Dampskibsselskab (VDS) skipa i Stokmarknes i 1881 og Ofotens Dampskibsselskab (ODS) skipa i Narvik i 1912.

Ofotens og Vesteraalens Dampskibsselskab
Bransje	Sjøfart, kollektivtransport, transport
Skipa	1987
Nedlagd	2006
Forgjengar(ar)	Ofotens Dampskibsselskab, Vesteraalens Dampskibsselskab
Etterfylgjar(ar)	Hurtigruten AS
Hovudkontor	Narvik
Land	Noreg
Produkt	Hurtigruta

MS «Nordnorge» med skorsteinfargane til OVDS.

OVDS hadde kring 1 500 tilsette, og hovudkontoret låg i Narvik, medan ferje- og hurtigbåtavdelinga var lokalisert til Stokmarknes. Selskapet var i 2003 i søkelyset gjennom ei større bedragerisak, der fem dåverande og tidlegare direktørar saman med selskapet stod tiltalt for å ha manipulert ferjerekneskapar for riksvegferjer i det føremålet å få tilført større tilskott frå staten.^[1] Selskapet vart i tingretten dømt til å tilbakebetala eit større pengebeløp, og alle direktørane vart dømde til fengselsstraffer av varierande lengd.^[2] Saka vart anka til lagmannsretten, og ankesaka kom opp i januar 2005. Administrerande direktør var frå medio september 2004 Jan Kildal, og Ole Fr. Hienn var styreleiar.

Dei to hurtigrutereiarlaga OVDS og Troms Fylkes Dampskibsselskap (TFDS) vedtok i desember 2005 å slå seg saman. Fusjonen vart gjennomført 1. mars 2006. Det nye selskapet fekk namnetHurtigruten ASE. Selskapet venta ein omsetnad på rundt fire milliardar og hadde kring 3 400 tilsette. Ny administrerande direktør vart Jan Kildal (OVDS) og ny styreleiar vert Ole Lund (TFDS). Hovudkontor for hurtigruten vart lagt til Narvik, kontoret for ferjar og hurtigbåtar i Troms låg til Tromsø og kontoret for ferjar og hurtigbåtar i Nordland hamna i Stokmarknes.

Skip

Liste over hurtigruteskip som OVDS åtte inntil 2006.

• MS «Finnmarken» (1956) (1988-1993)
• MS «Lofoten» (1988, 1996-2006)
• MS «Kong Olav» (1988-1997)
• MS «Nordnorge» (1964) (1988-1996)
• MS «Narvik» (1988-2006)
• MS «Vesterålen» (1988-2006)
• MS «Richard With» (1993-2006)
• MS «Nordkapp» (1996-2006)
• MS «Nordnorge» (1997-2006)
• MS «Finnmarken» (2002-2006)

Ferjer

MF «Tysfjord» går mellom Bognes og Lødingen.

• MF «Bodø»
• MF «Bognes»
• MF «Bogøy»
• MF «Fykan»
• MF «Gildeskål»
• MF «Hamarøy»
• MF «Kjerringøy»
• MF «Landego»
• MF «Lødingen»
• MF «Rødøy»
• MF «Røst»
• MF «Røsund»
• MF «Røtinn»
• MF «Stetind»
• MF «Tysfjord»
• MF «Virak»
• MF «Vågan»
• MF «Ørnes»

Hurtigbåtar

• MS «Alden»
• MS «Brottøy»
• MS «Lurøyprinsessen»
• MS «Meløytind»
• MS «Nordfolda»
• MS «Ofoten»
• MS «Rødøyløven»
• MS «Salten»
• MS «Sjøsprint»
• MS «Skogøy»
• MS «Steigtind»
• MS «Tjeldøy»
• MS «Visten»
• MS «Øykongen»

Sjå òg

• Hurtigruten AS